ރ. އިންނަމާދޫ ގޮނޑުދޮށް ހިމާޔަތްކުރުމުގެ މަޝްރޫޢުގެ އަމަލީ މަސައްކަތް ފަށައިފިއެވެ.
މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން ބުނީ، އިންނަމާދޫ ގޮނޑުދޮށް ހިމާޔަތްކުރުމުގެ މަޝްރޫޢުގެ އަމަލީ މަސައްކަތް ފަށާފައިވަނީ 9 ޖަނަވަރީ 2024 ވަނަ ދުވަހު ކަމަށެވެ.
މި މަޝްރޫޢުގެ ދަށުން، 360 މީޓަރުގެ ސަރަޙައްދެއްގައި ގްރޮއިން ޖެހުމުގެ މަސައްކަތް ހިމެނޭ ކަމަށް ވެސް އެމްޓީސީސީން ބުނެއެވެ.
މި މަޝްރޫޢުއަކީ 14.77 މިލިއަން ރުފިޔާގެ މަޝްރޫޢުއެކެވެ.
މި މަޝްރޫއަކީ ނިމިދިޔަ ސަރުކާރުގައި ސޮއިކޮށްފައިވާ މަޝްރޫއެކެވެ.
އެމްޓީސީސީން ބުނީ އިންނަމާދޫއަށް ދިމާވެފައިވާ އެންމެ ބޮޑު އެއް މައްްސަލައަކީ ރަށުގެ އުތުރު ފަރާތުން ބޮޑު ބައެއް ގިރަމުންދިއުން ކަމަށެވެ. މިކަމާ ގުޅިގެން ރަށުގެ އުތުރު ފަރާތުން ބައެއް މީހުންނަށް ދޫކޮށްފައިވާ ގޯތިތަކާ ހަމައަށްވެސް ރަށްގިރުމުގެ ބިރު އޮތް ކަމަށާއި ނަމަވެސް ގޮނޑުދޮށް ހިމާޔަތް ކުރުމުން އެކަމަށް ހައްލެއް ލިބިގެންދާނެ ކަމަށް އެ ކުންފުނިން ބުންޏެވެ.
