ރައީސްގެ ކޮއްކޯފުޅަށް ފުރުސަތު ފަހިކުރުމަށް ނިލަންދޫ ދާއިރާއަށް ކުރިމަތިލެއްވި ޖަލީލަށް ފ. އަތޮޅު ހޮސްޕިޓަލްގެ މެނޭޖަރ ހެލްތު ސާވިސް ގެ މަގާމު

ރައީސް ޑރ.މުހައްމަދު މުއިއްޒުގެ ކޮއްކޯފުޅު ފާތުމަތު ސައުދާއަށް ފުރުސަތު ފަހިކުރުމަށް އެދާއިރާއަށް ޕީއެންސީގެ ޓިކެޓްގައި ވާދަކުރެއްވުމަށް ކުރިން ފޯމު ހުށަހަޅުއްވާފައިވާ ފ.ނިލަންދޫ އޯކިޑްވިލާ ޢަބްދުލްޖަލީލް އަހްމަދު ފ.އަތޮޅު ހޮސްޕިޓަލްގެ މެނޭޖަރ ހެލްތު ސާވިސް ގެ މަގާމަށްއައްޔަން ކުރައްވައިފިއެވެ.

ޖަލީލަކީ ނިލަންދޫ ކައުންސިލްގެ ރައީސް ކަމާއި އަތޮޅު ކައުންސިލް މެމްބަރު ކަން ކުރައްވާފައިވާ ބޭފުޅެކެވެ. އަދި 20 ވަނަ މަޖިލީސް އިންތިހާބުގައި ނިލަންދޫ ދާއިރާ ގެ ގޮނޑިޔަށް ވާދަކުރައްވަން ނިންމަވާ އެންމެ ކުރިން ފޯމު ހުށަހެޅުއްވި ބޭފުޅުންގެ ތެރޭގައި ޖަލީލު ހިމެނިވަޑައިގަންނަވައެވެ. ނަމަވެސް ޖަލީލު ވަނީ ފޯމު ނަންގަވާ ރައީސްގެ ކޮއްކޯފުޅަށް ތާއީދުކުރައްވަން ނިންމަވާފައެވެ.

ހަމަ އެދާއިރާއަށް ރައީސްގެ ކޮއްކޯފުޅު ވާދަކުރައްވަން ނިންމަވާ ޑިސެމްބަރ މަހުގެ ތެރޭގައި ވަނީ ފޯމު ހުށަހަޅުއްވާފައެވެ.

ނިލަންދޫ ދާއިރާގެ ގޮނޑިއަށް ރައީސް މުއިއްޒުގެ ކޮއްކޯ ފުޅަކުކުރިމަތި ލައްވަން ނިންމެވުމާއިއެކު ނިލަންދޫ ގެ އިތުރުން އެދާއިރާގެ ދަރަނބޫދޫ ގައި ދަނީ އެކަމަނާ އަށް ސަރުކާރުތެރެއިން މަގުކޮއްޓަވާދެއްވާ އަލިކުރައްވަމުންނެވެ.