ވައުދާ އެއްގޮތަށް މަހުގެ ހަމަ އަގު މަސްވެރިންނަށް ނުލިބޭތީ ސުވާލުކުރުމަށް، ޝިޔާމް މަޖިލީހަށް ހާޒިރުކުރަނީ
ޝިޔާމް މަޖިލީހަށް ހާޒިރުކޮށް ސުވާލުކުރުމަށް ހުށަހެޅުއްވީ ދުވާފަރު ދާއިރާގެ މެމްބަރު
މަސްވެރިކަމާބެހޭ ވަޒީރު، އަހުމަދު ޝިޔާމް
މި ސަރުކާރުގެ ވައުދާ އެއްގޮތަށް މަހުގެ ހަމަ އަގު މަސްވެރިންނަށް ލިބެމުން ނުދާތީ، އެކަމާ ގުޅޭގޮތުން މިނިސްޓަރ އޮފް ފިޝަރީޒް އެންޑް އޯޝަން ރިސޯސަސް އަހުމަދު ޝިޔާމާ ސުވާލުކުރުމަށް މަޖިލީހަށް ހާޒިރުކުރުމަށް ހުށަހަޅައިފިއެވެ.
އޭނަ މަޖިލީހަށް ހާޒިރުކޮށް ސުވާލުކުރުމަށް ހުށަހަޅުއްވާފައިވަނީ ދުވާފަރު ދާއިރާގެ މެމްބަރު އިސްމާއީލް އަހުމަދެވެ.
ޝިޔާމާ ކުރަން ހުށަހަޅާފައިވާ ސުވާލުގައި ބުނެފައިވަނީ، މަސްކިރާތާ 48 ގަޑިއިރު ތެރޭގައި މަހުގެ ހަމަ އަގު މަސްވެރިންނަށް ދޭނެކަމަށް ކެމްޕެއިނުގައި ވައުދުވިނަމަވެސް، ކިރުވި މަހަށް ފައިސާ ނުދޭތާ މިހާރު 48 ދުވަސް ފަހަނައަޅައި ގޮސްފައިވާކަމަށެވެ. އަދި މަސްވެރިންނަށް ދަތިނުވާނެ މަގުން، 48 ގަޑިއިރު ތެރޭގައި ފައިސާ ދެވޭނެ އުސޫލު އަވަހަށް އެކުލަވާލައި، މި ސިނާއަތުގެ އާމްދަނީއަށް ބަރޯސާވެ ތިބި ފަރާތްތަކުން އުފުލަމުން ގެންދާ ތަކުލީފުތަކަށް ދާއިމީ ހައްލެއް ގެނައުމަށް ގެންގުޅުއްވާ ވިސްނުންފުޅަކީ ކޮބައިތޯ ސާފުކުރުމަށް ސުވާލުކޮށްފައި ވެއެވެ. އަދި މިފްކޯއިން މިހާތަނަށް މަސްވެރިންނަށް ދަރާފައިވާ ދަރަނި ޚަލާސްކޮށް، ވީ ވައުދާ އެއްގޮތަށް 48 ގަޑިއިރުތެރޭގައި ފައިސާ ދޭން ފެށޭނީ ކޮންދުވަހަކުންތޯ ވެސް ސުވާލުގައި ވަނީ ހިމަނާފައެވެ.
