ވިއްސާރައިގައި ގެއްލުންވި 70 ގޭބީސީއަކަށް ހަތަރުލައްކަ އަށް ވުރެ ގިނަ ރުފިޔާގެ އެހީ ދެނީ
އޭގެ ތެރޭގައި 34 ގޭބިސީއެއްގެ އިމާރާތައް ގެއްލުންވުމުން ބަދަލުގެ ގޮތުގައި 248،381 ރުފިޔާ ދޭން ވަނީ ނިންމާފައި
ވިއްސާރައިގައި މާލޭގެ ބައެއް މަގުތަކުގައި ފެންބޮޑުވެފައި
މިދިޔަ އަހަރުގެ ފަހު ދުވަހު މާލެއަށް ކުރި ވިއްސާރައިގައި ފެންބޮޑުވެ، ގެއްލުންވި 70 ގޭބީސީއަކަށް އެހީވުމަށް ނޭޝަނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ)އިން ނިންމައިފިއެވެ.
އެކަމުގެ މައުލޫމާތު ދިނުމަށް އެންޑީއެމްއޭ އިން "އެކްސް" ގައި ކުރި ޕޯސްޓެއްގައި ބުނީ އެ ވިއްސާރައިގައި ގެއްލުންވި 70 ގޭބިސީގެ ގެއްލުމުގެ އަގު، އެއް މިލިއަން ރުފިޔާއަށް ވުރެ ބޮޑު ކަމަށެވެ.
އެހެން ކަމުން އެ ގޭބިސީތަކަށް އެހީގެ ގޮތުގައި 457،242 ރުފިޔާ ދިނުމަށް ނިންމާފައިވާ ކަމަށް އެންޑީއެމްއޭ އިން ބުންޏެވެ. އެގޮތުން ގެއްލުމުގެ ބަދަލު ދޭން ނިންމީ:
އެއާއެކު، އެ އިދާރާއިން ވަނީ އެދުވަހުގެ ވިއްސާރައިގައި އެ އިދާރާއިން އިޖާބަދިން ބައެއް މައުލޫމާތުތައް ހިއްސާކޮށްފައެވެ. އެގޮތުން:
އާދިއްތަ ދުވަހު ކުރި ވިއްސާރައިގައި މުޅި މާލެ، ހުޅުލެ އަދި ހުޅުމާލެ ފެންބޮޑުވެ އާންމުންނަށް ގެއްލުންވިއިރު، އެ ދުވަހަކީ ހުޅުލެ އަށް މިހާތަނަށް އެންމެ ގިނައިން ވާރޭ ވެހުނު ދުވަހެވެ. އެގޮތުން ހުޅުލެއަށް 179.7 މިލިމީޓަރުގެ ވާރޭ ވެހުނުއިރު، ދެވަނައަަށް، މާލެއަށް 118.2 މިލިމީޓަރުގެ ވާރޭ ވެހުނެވެ.
