އަހަރުގެ ފަހު މެޗުން ބަލިވެ, އިނގިރޭސި ޕްރިމިއަރ ލީގު ތާވަލްގެ އެއްވަނައަށް ޖެހިލަން ލިބުނު ފުރުސަތު އާސެނަލުން ނަގާލައިފިއެވެ.
އާސެނަލަށް ފުރުސަތު ގެއްލުނީ 13 ވަނާގައި އޮތް ފުލަމް އަތުން ބަލިވެގެންނެވެ. މެޗުން އާސެނަލް ބަލިވީ ފަސްވަނަ މިނިޓްގައި ލީޑްވެސް ނަގާފައި ވަނިކޮށެވެ. އާސެނަލަށް ލީޑް ނަގައިދިނީ ސަކާއެވެ. ފުލަމުން ނަތީޖާ ހަމަހަމަކުރީ 29 ވަނަ މިނިޓުގައި ހިމެނޭޒް ޖެހި ލަނޑުންނެވެ. ހިމެނޭޒް އެނބުރި އައީ ސަސްޕެންޝަނަކަށްފަހުއެވެ. އާސެނަލްގެ މައްޗަށް ފުލަމުން ކުރިހޯދީ ދެވަނަ ހާފްގެ ކުރީކޮޅު ޑި ކޯޑޯވާ-ރެއިޑް ޖެހި ލަނޑުން މޮޅުވެގެންނެވެ.
މިބައްޔާއެކު އާސެނަލް ވަނީ މިސީޒަނުގައި ފުރަތަމަ ފަހަރަށް މޮޅުނުވެ، ވިދިވިދިގެން ތިން މެޗު ފުރިހަމަކުރަން ޖެހިފައެވެ. މެޗުން މޮޅުވެގެން ތާވަލުގެ އެއްވަނަ ލިބެން އޮތަސް, ބަލިވުމުން އާސެނަލް އޮތީ ހަތަރުވަނާގައެވެ. އެއްވަނާގައި އޮތް ލިވަޕޫލާ ދެމެދު ދެ ޕޮއިންޓްގެ ފަރަގެއް އެބައޮތެވެ. ތިންވަނާގައި އޮތް ސިޓީއާ ޕޮއިންޓްގެ ގޮތުން އެއްވަރުވިޔަސް، އެއީ ސިޓީއަށްވުރެ އިތުރަށް މެޗެއް ކުޅެގެންނެވެ.
