ކުޅުދުއްފުށި އެއަރޕޯޓަށް ފުރަންދިޔަ ދިވެއްސެއްގެ އަތުން ވަޒަނެއް ފެނުނު ކަމަށް ބުނާ މައްސަލަ ބަލަނީ

ކުޅުދުއްފުށި އެއަރޕޯޓަށް ފުރަންދިޔަ ދިވެއްސެއްގެ އަތުން ވަޒަނެއް ފެނުނު ކަމަށް ބުނާ މައްސަލަ ބަލަމުންދާ ކަމަށް ފުލުހުން ބުނެފިއެވެ.

ފުލުހުން ބުނީ ކުޅުދުއްފުށި އެއާޕޯޓަށް ފުރަން ދިޔަ އަންހެނެއްގެ ދަބަހުން ވަޒަނެއް ފެނުނު ކަމަށް ބުނާ މައްސަލަ އެއްގެ ރިޕޯޓް ލިބިފައިވާ ކަމަށެވެ.

އެ މައްސަލަ ފުލުހުންނަށް ރިޕޯޓްކޮށްފައި ވަނީ ހުކުރު ދުވަހު ހަވީރުގެ ވަގުތެއްގައި ކަމަށް ވެސް ފުލުހުން ވަނީ ބުނެފައެވެ.

އެ މައްސަލަ ރިޕޯޓްކުރުމާއި އެކު ފުލުހުން ވާނީ އެ މައްސަލަ އަށް އެޓެންޑް ވެފައި ކަމަށް ފުލުހުން ވަނީ ބުނެފައެވެ.

އަދި މިހާރު މި މައްސަލައިގެ ތަހުގީގުކުރިއަށްދާކަމަށް އެ އިދާރާއިން ވަނީ ބުނެފައެވެ. މި މައްސަލައިގެ ތަހުގީގުކުރިއަށް ގެންދަނީ އެމްއެންޑީއެފާއި ގުޅިގެންނެވެ.