ބެޓިސްގެ އެއްބަސްވުން އައު ކުރަން އިސްކޯ އެއްބަސްވެއްޖެ

ރެއާލް ބެޓިސް އަށް ކުޅެމުން އަންނަ ސްޕެއިންގެ އިސްކޯ، އެ ޓީމާއެކު ހަދާފައިވާ އެއްބަސްވުން އައު ކުރުމަށް އެއްބަސްވެއްޖެ އެވެ.

އުމުރުން 31 އަހަރުގެ ކުޅުންތެރިޔާ މިއަހަރުގެ ޖުލައި މަހު ބެޓިސްއާ ގުޅުނީ އެއް އަހަރު ދުވަހުގެ އެއްބަސްވުމެއްގެ ދަށުންނެވެ. އެ އެއްބަސްވުމުގެ މުއްދަތު ހަމަވާނީ އަންނަ އަހަރުގެ ޖޫން މަހުގެ ނިޔަލަށެވެ. ނަމަވެސް، ބެޓިސްގައި އިސްކޯ ދައްކަމުން އަންނަ މޮޅު ކުޅުމުގެ ސަބަބުން އެ ކުލަބުން ވަނީ އޭނާ އަށް އައު އެއްބަސްވުމެއް ހުށަހަޅައިފަ އެވެ. ސްޕެއިންގެ މީޑިއާ ރިޕޯޓުތައް ބުނާ ގޮތުގައި، އިސްކޯ މިހާރު ވަނީ ބެޓިސް އިން ހުށަހެޅި ހުށަހެޅުން ޤަބޫލު ކޮށްފަ އެވެ. ބެޓިސް އިން އިސްކޯ އަށް ހުށަހެޅީ އިތުރު ތިން އަހަރަށް ކުލަބުގައި މަޑު ކުރުމަށެވެ. އެގޮތުން ބެޓިސްއާއެކު ދެން އިސްކޯ ސޮއި ކުރާ އެއްބަސްވުމުގެ މުއްދަތު ހަމަވާނީ 2027 ވަނަ އަހަރުގެ ޖޫން މަހުގެ ނިޔަަލަށެވެ.

އިސްކޯ ވަނީ މިހާތަނަށް ބެޓިސްގައި 23 މެޗު ކުޅެ، ތިން ލަނޑު ޖަހައިފަ އެވެ. ވެލެންސިއާ އިން ސީނިއާ ކެރިއަރު ފެށި އިސްކޯ ވަނީ، މަލަގާ، ރެއާލް މެޑްރިޑު އަދި ސެވިއްޔާ އަށް ވެސް ކުޅެފަ އެވެ.