ގްރޫޕްގެ ފުލަށް ދިޔަޔަސް، ފަހު މެޗުގެ އިތުރު ވަގުތުގެ ލަނޑުން މޮޅުވެ ސެލްޓިކަށް ހިތްހަމަ ޖެހުމެއް!
މިއީ ހަ އަހަރުގެ ތެރޭގައި ސެލްޓިކުން ޗެމްޕިއަންސް ލީގުގައި ހޯދި ފުރަތަމަ މޮޅު
ސެލްޓިކުން އިތުރު ވަގުތުގައި ލަނޑު ޖެހުމަށްފަހު
ގްރޫޕްގެ ފުލަށް ދިޔަޔަސް, ފަހު މެޗުގެ އިތުރު ވަގުތުގެ ލަނޑުން މޮޅުވެ ސްކޮޓްލެންޑްގެ ސެލެޓިކުން ހިތްހަމަ ޖެހުން ހޯދައިފިއެވެ.
މެޗަށް ނިކުއިން އިރުވެސް ފުރުޞަތު ގެއްލިފައި އޮތް ސެލްޓިކަށް ލިބުނު ހިތްހަމަ ޖެހުމަކީ ޗެމްޕިއަންސް ލީގުގައި މިދިޔަ 10 އަހަރުގެ ތެރޭގައިވެސް އަމިއްލަ ދަނޑުގައި ފުރަތަމަ މޮޅު ހޯދުމެވެ. އަދި މިފަހަރުގެ ޗެމްޕިއަންސް ލީގުވެސް މޮޅަކާއެކު ނިންމާލުމެވެ. މިއީ ހަ އަހަރުގެ ތެރޭގައި ސެލްޓިކުން ޗެމްޕިއަންސް ލިގުގައި ހޯދި ފުރަތަމަ މޮޅެވެ. މޮޅެއް ހޯދީ ނެދަލެންޑްސްގެ ފޭނޫޑް އާ ވާދަކޮށް 2-1 ނެވެ. ސެލްޓިކް މުބާރާތް ނިންމާލީ 4 ޕޮއިންޓާއެކު ގްރޫޕްގެ ފުލުގައި އޮވެއެވެ. ހަ ޕޮއިންޓާއެކު ތިންވަނަ ހޯދީ ފޭނޫޑް އެވެ. މިގްރޫޕުން އެއްވަނަ ހޯދީ 14 ޕޮއިންޓާއެކު އެތްލެޓިކޯ މެޑްރިޑެވެ. ދެވަނަ ޓީމްގެ ގޮތުގައި ދެވަނަ ބުރަށް ދަތުރުކުރީ 10 ޕޮއިންޓާއެކު ލާޒިއޯ އެވެ.
ފަހު މެޗުގައި ސެލްޓިކް މޮޅުވީ 1-1 ން އެއްވަރުވާން ދިޔަ މެޗުގެ އިތުރު ވަގުތުގައި ކަސްޓާ ލާގާބިއެލްކޭ ޖެހި ލަނޑުންނެވެ. ފުރަތަމަ ހާފްގައި ސެލްޓިކުން ލީޑް ނެގީ ޕެނަލްޓީ އަކުން ޕަލްމާ ޖެހި ލަނޑުންނެވެ. ދެވަނަ ހާފްގައި މިންޓޭ ފޭނޫޑަށް ނަތީޖާ ހަމަހަމަކޮށްދިނެވެ. ސެލްޓިކުން މޮޅުހޯދީ އިތުރު ވަގުތުގެ ފުރަތަމަ މިނިޓްގައެވެ.
