ފީފާ މޮޅު ކީޕަރުގެ މަގާމަށް ވާދަކުރާ ގަދަ ތިން ކީޕަރުން
13 ޑިސެމްބަރު 2023 | ބުދަ 11:23ކޯޓުއާ ފިޔަވައި އެހެން ކީޕަރުން ވަނީ ގައުމީ ޖާޒީގައި މޮޅަށް ކުޅެފައި
ފީފާ ބެސްޓް އެވޯޑް ވާދަކުރާ ފިރިހެން ތިން ކީޕަރުން
ދުނިޔޭގެ ފުޓްބޯޅަ ޖަމިއްޔާ ފީފާއިން ހޮވާ ދަ ބެސްޓް އެވޯޑްގެ އެންމެ މޮޅު ގޯލްކީޕަރުގެ މަގާމަށް ވާދަކުރާ ގަދަ ތިން ކުޅުންތެރިން އިއުލާނުކޮށްފިއެވެ.
ފިރިހެން އެންމެ މޮޅު ކީޕަރުގެ މަގާމަށް ވާދަކުރަނީ މެންޗެސްޓާ ސިޓީއާއި ބްރެޒިލްގެ ކީޕަރު އެޑަސަންއާއި، ރެއާލް މެޑްރިޑާއި ބެލްޖިއަމްގެ ކީޕަރު ތިބައޫ ކޯޓުއާއާއި، ސައޫދީ އަރަބިއްއާގެ އަލްއަހްލީއާއި މޮރޮކޯގެ ކީޕަރު ޔާސީން ބޯނޫއެވެ.
މީގެ ތެރެއިން އެޑަސަންއަކީ މެންޗެސްޓާ ސިޓީ ޗެމްޕިއަންސް ލީގާއި އިނގިރޭސި ލީގު އަދި އެފްއޭކަޕް ހޯދި ޓީމުގެ އެންމެ މުހިންމު އެއް ކުޅުންތެރިޔާއެވެ. ރެއާލް މެޑްރިޑުގައި މޮޅަށް ކުޅުނަސް ވޯލްޑްކަޕުގައި ބެލްޖިއަމް ޓީމުގައި ވޯލްޑްކަޕުގައި ކޯޓުއާގެ ވިދުންވެސް ފެނުނީ ދަށްކޮށެވެ. ނަމަވެސް މޮރޮކޯ ވޯލްޑްކަޕް ސެމީ ފައިނަލަށް ދިޔަ މައިގަނޑު އެއް ސަބަބަކީ ބޯނޫގެ މޮޅު ކުޅުމެވެ. އޭނާ ވަނީ ސެވިއްޔާއަށް ޔޫރޮޕާ ލީގުވެސް ހޯދައިދީފައެވެ.
އަންހެން އެންމެ މޮޅު ކުޅުންތެރިޔާގެ މަގާމަށް ވާދަކުރަނީ އޮސްޓްރޭލިޔާގެ ކީޕަރު މަކެޒެންޒީ އާނޮލްޑާއި ވޯލްޑްކަޕް ފައިނަލް ކުޅުނު އިނގިރޭސިވިލާތުގެ ކީޕަރު މޭރީ އާޕްސްއާއި ބާސެލޯނާއާއި ސްޕޭނުގެ ކީޕަރު ކެޓަލީނާ ކޯލްއެވެ. މީގެ ތެރެއިން މޭރީއަކީ ވޯލްޑްކަޕުގެ މޮޅު ކީޕަރެވެ. ކެޓަލީނާ ސްޕޭނަށް ވޯލްޑްކަޕް އަދި ބާސެލޯނާއަށް ޗެމްޕިއަންސް ލީގާއި ސްޕެނިޝް ލީގު ހޯދައިދީފައެވެ.
