އެސްޓަން ވިލާ އިން ޗެމްޕިއަން މެންޗެސްޓަރ ސިޓީ ބަލިކޮށްފިއެވެ.

އަމިއްލަ ދަނޑުގައި އެސްޓަން ވިލާއިން ސިޓީ ބަލިކުރީ 1-0 ނެވެ. މެޗުން ވިލާ މޮޅުކޮށްދިން ލަނޑު ދެވަނަ ހާފްގައި ޖެހީ ލެއޯން ބެއިލޭ އެވެ. މިމޮޅާއެކު އެސްޓަން ވިލާ ވަނީ ސިޓީ ހަތަރު ވަނައަށް ސޮއްސާލާ, ތާވަލްގެ ތިންވަނަ އަށް ޖެހިލާފައެވެ. މެޗަށް ނިކުއިތްއިރު އެސްޓަން ވިލާ އޮތީ ހަތަރު ވަނައިގައެވެ. މިހާރު ތިންވަނައިގައި އޮތީ 15 މެޗުން 32 ޕޮއިންޓާއެކުއެވެ. ސިޓީ ހަތަރު ވަނައިގައި އޮތީ 30 ޕޮއިންޓާ އެކުއެވެ. އެއްވަނައިގައި އޮތް އާސެނަލްއާ އެސްޓަން ވިލާއާ ދެމެދު އޮތީ ހަތަރު ޕޮއިންޓްގެ ފަރަގެކެވެ. ދެވަނައިގައި އޮތީ 334 ޕޮއިންޓާއެކު ލިވަޕޫލެވެ.

ސިޓީ އެސްޓަން ވިލާ އަތުން ބަލިވިއިރު, މިހަފްތާގައި ޓޮޓްނަމްއާ ވާދަކޮށްވެސް ވީ އެއްވަރެވެ. ސިޓީ މޮޅުވާން ދަނިކޮށް, ފަހުވަގުތު އެއްވަރުވި މެޗަށްފަހު ކޯޗާއި ކުޅުންތެރިން ރެފްރީގެ ނިންމުންތަކާ މެދު ވަރަށް ބޮޑަށް ހިތްހަމަ ނުޖެހުން ފާޅުކުރިއެވެ. މެޗުން ސިޓީ މޮޅުނުވުމުން މެޗަކުން މޮޅުނުވެ, ވިދިވިދިގެން ހަތަރު މެޗު ވީއެވެ. މިއީ މިދިޔަ ހަތް އަހަރުގެ ތެރޭގައިވެސް މޮޅުނުވެ ހަތަރު މެޗު ދިޔަ ފުރަތަމަ ފަހަރެވެ. އަނެއްކޮޅުން މިއީ ލީގުގައި ވިލާ އަމިއްލަ ދަނޑުގައި ވިދިވިދިގެން މޮޅުވި 14 ވަނަ މެޗެވެ.