އެމްޑީޕީގެ ޕީޖީ ޑެޕިއުޓީ ލީޑަރަކަށް ޝަރީފު
5 ޑިސެމްބަރު 2023 | އަންގާރަ 12:25ޝަރީފާ ވާދަކުރެއްވީ ފޭދޫ ދާއިރާގެ މެންބަރު، މުހައްމަދު ނިހާދު
އެމްޑީޕީގެ ޕީޖީ ޑެޕިއުޓީ ލީޑަރު އިބްރާހީމް ޝަރީފު
މޯލްޑިވިއަން ޑިމޮކްރެޓިކް ޕާޓީ (އެމްޑީޕީ)ގެ ޕާލިމަންޓަރީ ގްރޫޕުގެ ޑެޕިއުޓީ ލީޑަރަކަށް، ކެލާ ދާއިރާގެ މެންބަރު އިބްރާހީމް ޝަރީފު އިންތިޚާބުކޮށްފިއެވެ.
އެމްޑީޕީގެ ޕީޖީ ޑެޕިއުޓީ ލީޑަރު ހޮވުމަށް އިންތިޚާބު ބާއްވާފައިވަނީ އަންގާރަ ދުވަހުއެވެ. އެ އިންތިޚާބު އިބްރާހީމް ޝަރީފު ކާމިޔާބުކުރެއްވީ 27 ވޯޓުންނެވެ.
އެ އިންތިޚާބުގައި ޝަރީފާ ވާދަކުރެއްވީ ފޭދޫ ދާއިރާގެ މެންބަރު މުހައްމަދު ނިހާދުއެވެ. އޭނާއަށް ލިބިވަޑައިގެންނެވީ 23 ވޯޓެވެ.
އެމްޑީޕީގެ ޕީޖީގެ ޑެޕިއުޓީ ލީޑަރެއް އައްޔަންކުރަން އިންތިޚާބު ބޭއްވީ ޕީޖީ ލީޑަރަކަށް ހުންނެވި މުހައްމަދު އަސްލަމް ރައްޔިތުންގެ މަޖިލީހުގެ ރައީސްގެ މަގާމަށް އިންތިޚާބުވެވަޑައިގަތުމުން، ޑެޕިއުޓީ ލީޑަރަކަށް ހުންނެވި މުހައްމަދު ރަޝީދު ހުސައިން (ބިގޭ) ޕީޖީ ލީޑަރަށް އިންތިޚާބުކުރުމުން، އެ މަގާމު ހުސްވެފައިވާތީއެވެ.
