އެމްޑީޕީ ޕީޖީ ޑެޕިއުޓީ ލީޑަރު ކަމަށް ތިން މެންބަރަކު ވާދަކުރައްވަނީ

މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) ޕާލިމެންޓްރީ ގްރޫޕްގެ ޑެޕިއުޓީ ލީޑަރު ކަމަށް ތިން ބޭފުޅަކު ކުރިމަތިލައްވާފައިވާ ކަމަށް އެ ޕާޓީން ބުނެފިއެވެ.

އެމްޑީޕީ ޕީޖީގެ ޑެޕިއުޓީ ލީޑަރެއް އައްޔަން ކުރަން އިންތިޚާބު ބާއްވަނީ ޕީޖީ ލީޑަރަކަށް ހުންނެވި މުޙައްމަދު އަސްލަމް ރައްޔިތުންގެ މަޖިލީހުގެ ރައީސްގެ މަގާމަށް އިންތިޚާބުވެވަޑައިގަތުމުން ޑެޕިއުޓީ ލީޑަރަކަށް ހުންނެވި ހުސައިން މުހައްމަދު ރަޝީދު (ބިގޭ) ޕީޖީ ލީޑަރަށް އިންތިޚާބު ކުރުމުން އެ މަގާމު ހުސްވެފައިވާތީއެވެ. ހުސްވެފައިވާ ޑެޕިއުޓީ ލީޑަރުކަމަށް ކުރިމަތިލުމުގެ ފުރުސަތު އެމްޑީޕީން ހުޅުވާލީ މިދިޔަ ހަފުތާގެ އަންގާރަ ދުވަހުއެވެ.

އާދީއްތަ ދުވަހުގެ ރޭ އެމްޑީޕީން ވަނީ ޑެޕިއުޓީ ލީޑަރު ކަމަށް ވާދަކުރައްވަން ނަން ހުށަހެޅުއްވި ފަރާތްތަކުގެ ނަންތައް އިއުލާން ކުރައްވާފައެވެ. އެގޮތުން މި މަގާމަށް ކުރިމަތިލެއްވީ:

އެމްޑީޕީން ބުނެފައިވާ ގޮތުގައި ހުސްވެފައިވާ އެ ޕާޓީގެ ޕީޖީ ޑެޕިއުޓީ ލީޑަރު ހޮވުމަށް ބާއްވާ އިންތިޚާބު އޮންނާނީ އަންނަ އަންގާރަ ދުވަހުގެ މެންދުރު 14:00 އިން ހަވީރު 16:00 އަށެވެ. މި އިންތިޚާބު ކުރިއަށްދާނީ، އެޕާޓީ އޮފީހުގެ ޖަލްސާކުރާ މާލަމުގައެވެ.