އެއްވެސް ކުޅުންތެރިއަކަށް ޓީމުގައި ދެމިހުރެވޭނެ ކަމުގެ ޔަގީންކަމެއްނެތް: އާޓެޓާ
ރަމްސްޑޭލް ވިއްކާލަން ތައްޔާރުވަމުންދާ ކަމަށް ދެކެވޭ ވާހަކަތަކަށް ކޯޗު ޖަވާބުދިން
ރާއްޖެ އެމްވީ | 5 ޑިސެމްބަރު 2023 | އަންގާރަ 06:07
އާސެނަލް ކުޅުންތެރިން ލަނޑު ޖެހުމަށްފަހު އުފާ ފާޅުކުރަނީ
އާސެނަލްގެ އެއްވެސް ކުޅުންތެރިއަކަށް ޓީމުގައި އަބަދު ދެމިހުރެވޭނެ ކަމުގެ ޔަގީންނުދެވޭނެ ކަމަށް ކޯޗު މިކޭލް އާޓެޓާ ބުނެފި އެވެ.
އާޓެޓާ މިހެން ބުނީ އެ ޓީމުގެ ގޯލްކީޕަރު އާރޮން ރަމްސްޑޭލް ވިއްކާލަން ތައްޔާރުވަމުންދާ ކަމަށް ދެކެވޭ ވާހަކަތަކާ ބެހޭ ގޮތުން ނޫސްވެރިން ސުވާލު ކުރުމުންނެވެ.
އޭނާ އަދި ބުނީ އާސެނަލްގައި މިދިޔަ ސީޒަނުގައި މޮޅަށް ކުޅުނު ކީޕަރުގެ ފޯމް މި ސީޒަނުގައި ރަނގަޅު ކުރަންޖެހޭ ކަމަށެވެ. ރަމްސްޑޭލް މިވަގުތު އިންނަނީ ގިނައިން ބެންޗުގަ އެވެ. އޭނާގެ ބަދަލުގައި އެއްވަނަ ކީޕަރުކަން ކުރަނީ ރާޔާ އެވެ. އޭނާ ދަނީ މޮޅު ކުޅުމެއް ދައްކަމުންނެވެ.
