ޕެންޝަން އޮފީހުގެ މުވައްޒަފުންނާއި ނިލަންދޫ ސްކޫލުގެ ސްކައުޓުންނާއި ޓީޗަރުންނަށް ބޭސިކް ފަޔަރ އެވެއަރނަސް ކްލާސްތަކެއް ކުރިއަށް ގެންގޮސްފިއެވެ.

އެމްއެންޑީއެފް ފަޔަރ އެންޑް ރެސްކިޔު ޓްރޭނިންގ ސްކޫލުގައި ނޮވެންބަރު 22 ވަނަ ދުވަހު ކުރިއަށްގެންދިޔަ މި ކުލާހުގައި ޕެންޝަން އޮފީހުގެ 20 މުވައްޒަފުން ބައިވެރިވިއެވެ. އެމްއެންޑީއެފް ފަޔަރ އެންޑް ރެސްކިޔު ޓްރެއިނިންގ ސްކޫލުގެ މުދައްރިބުން ކިޔަވައިދިން މި ކުލާސްތަކުގައި އަލިފާން ނިއްވާނެ ގޮތުގެ އަސާސީ މަޢުލޫމާތާއި، ފަޔަރ އެކްސްޓިންގުއިޝަރ އަދި ފަޔަރ ބްލޭންކެޓް ބޭނުންކޮށްގެން އަލިފާން ނިއްވުމުގެ ހުނަރުތައް ވަނީ ކިޔައިދީ، ފަރިތަކުރުވާފައެވެ.

މީގެ އިތުރުން ނޮވެންބަރު 22 ވަނަ ދުވަހު ނިލަންދޫ ސްކޫލުގައި ކުރިއަށްގެންދިޔަ ކުލާސްތަކުގައި، އެ ސްކޫލުގެ 30 ސްކައުޓުންގެ އިތުރުން ތިން ޓީޗަރުން ބައިވެރިވިއެވެ. 

އެމްއެންޑީއެފް ސެންޓްރަލް އޭރިއާ ކޮމާންޑް، ފ. ނިލަންދޫ ފަޔަރ ސްޓޭޝަންގެ ފަޔަރ ފައިޓަރުން މުދައްރިބުންގެ ގޮތުގައި ހަރަކާތްތެރިވި މި ކުލާސްތަކުގައި ކިޔަވައިދިން ބައިތަކުގެ ތެރޭގައި އަލިފާން ރޯވާން މެދުވެރިވާ ސަބަބުތަކާއި، އަލިފާން ފެތުރޭ ގޮތާއި، އަލިފާނުގެ ބައިތަކާއި، އަލިފާން ނިއްވާނެ ގޮތުގެ އަސާސީ މަޢުލޫމާތާއި، ފަޔަރ އެކްސްޓިންގުއިޝަރ ބޭނުން ކުރާނެ ގޮތް ހިމެނެއެވެ.

އަދި، މި ކުލާސްތަކުގައި ބައިވެރިން ވަނީ ފަޔަރ އެކްސްޓިންގުއިޝަރ ބޭނުންކޮށްގެން އަލިފާން ނިއްވަން ފަރިތަކުރުމުގެ އިތުރުން ފަޔަރ ބްލޭންކެޓް ބޭނުންކޮށްގެން އަލިފާން ނިއްވަން ފަރިތަކޮށްފައެވެ.