މި ސަރުކާރުން އުފެއްދި އައު ވުޒާރާތައް ހިންގުމަށް ބޭނުންވާ ބަޖެޓް އަންނަ ހޯމަ ދުވަހު މަޖިލީހަށް ހުށަހަޅަނީ
އަންނަ އަހަރަށް ލަފާކުރާ ބަޖެޓުގެ ބަހުސް ފެށީ އަންގާރަ ދުވަހު
ބުދަ ދުވަހު ކުރިއަށް ގެންދިޔަ ރައްޔިތުން މަޖިލީހުގެ ޖަލްސާގެ ތެރެއިން
މި ސަރުކާރުން އުފެއްދި އައު ވުޒާރާތައް ހިންގުމަށް ބޭނުންވާ ބަޖެޓް އަންނަ ހޯމަ ދުވަހު ރައްޔިތުންގެ މަޖިލީހަށް ހުށަހަޅާނެ ކަމަށް މިނިސްޓްރީ އޮފް ފިނޭންސް އިން ބުނެފިއެވެ.
ބުދަ ދުވަހު ރައްޔިތުން މަޖިލީހުގެ ޖަލްސާ ނިންމަވާލައްވަމުން، ރިޔާސަތުގައި އިންނެވި ހަނިމާދޫ ދާއިރާގެ މެންބަރު އަބްދުލް ޣަފޫރު މޫސާ ވިދާޅުވީ، އާ ސަރުުކާރުން މުޅިން އަލަށް އުފެއްދި ވުޒާރާތަކުގެ ބަޖެޓު ރައްޔިތުންގެ މަޖިލިހަށް ފޮނުވޭނީ 27 ނޮވެންބަރު 2023ވާ ހޯމަ ދުވަހު ކަމަށް ފިނޭންސް މިނިސްޓްރީން އަންގާފައިވާ ކަމަށެވެ.
އަންނަ އަހަރަށް ލަފާކުރާ ބަޖެޓުގެ ބަހުސް ފެށީ އަންގާރަ ދުވަހު އެވެ. މެންބަރު އަބްދުލް ޣަފޫރު މޫސާ ވިދާޅުވީ 21 ނޮވެންބަރު 2023 ގައި މި ޖަލްސާ ގައި ވާހަކަފުޅު ދެއްކެވުމަށް އެދިވަޑައިގެންފައިވާ ހުރިހާ މެންބަރުންނަށް ވާހަކަފުޅު ދެއްކެވުމަށް ފުރުސަތު އަރުވައި ނިމެންދެން މިޖަލްސާގެ ވަގުތު އިތުރު ކުރުމަށް މަޖިލީހުން ފާސްކޮށްފައިވައިވާ ކަމަށެވެ.
މިޖަލްސާ ކުރިއަށް ގެންދާނީ 26 ނޮވެންބަރު 2023 ވާ އާދިއްތަ ދުވަހުގެ ހެނދުނު 9:00 ގައެވެ.
ބުދަ ދުވަހުގެ ޖަލްސާ ނިންމާލެއްވިއިރު، ބައެއް މެންބަރުން ގެންދެވީ ތަޅުމުގައި އަޑުގަދަކުރަމުންނެވެ.
