ފުލުހުންނަށް ދެމުންދަނީ ކުރިން ހަމަޖައްސާފައިވާ ޕްރޮމޯޝަންތަކެއް ކަމަށް ފުލުހުންގެ އިދާރާއިން ބުނެފިއެވެ.
ފުލުހުންގެ އިސް ބޭފުޅުން ހިމެނޭ ގޮތަށް ގިނަ އަދަދެއް ފުލުހުންނަށް މަގާމުގެ ކުރިއެރުން ދީފައިވުމާ ގުޅޭގޮތުން ފުލުހުން ބުނީ މި ޕްރޮމޯޝަންތަކަކީ މިއަހަރުގެ އޭޕްރީލް މަހުން ފެށިގެން އިއުލާނުކޮށް، ހަމަޖެހިފައިވާ ޕްރޮމޯޝަންތަކެއް ކަމަށެވެ.
އަދި ޕްރޮމޯޝަން އޭރު ހަވާލުނުކުރީ އިންތިޚާބު ކައިރިވެފައި އޮތުމުންނާއި އެކަމުގެ ސަބަބުން ނޭދެވޭ ތަސައްވުރެއް އުފެދިދާނެ ކަމަށް ދެކޭތީ ކަމަށް ފުލުހުންގެ އިދާރާއިން ބުނެފައިވެއެވެ.
އަދި އެ ޕްރޮމޯޝަންތަކަކީ އެ ޚިދުމަތުގެ މަގާމުގެ ކުރިއެރުން ދިނުމުގެ ގަވާއިދާ އެއްގޮތްވާ ގޮތުގެ މަތިން އެކަމަށް ކަނޑައަޅާފައިވާ އުސޫލުތަކާ އެއްގޮތަށް ދެމުން ގެންދާ ޕްރޯމޯޝަންތަކެއް ކަމަށް ވެސް ފުލުހުންގެ އިދާރާއިން ވަނީ ބުނެފައެވެ.
