ރާއްޖެ
ބައެއް ވިޔަފާރިތަކަށް ގެއްލުން ދިނުން
މާލޭގެ ކޭއެފްސީ އާއި ޕިއްޒާ ހަޓް އަދި ކޮކާކޯލާ ހިންގާ ތަންތަނަށް ގެއްލުން ދީފި
ފުލުހުން ދަނީ އެ މައްސަލަ ބަލަމުން
ނަޒާހަތު އިބްރާހިމް ރަޝީދު, ރާއްޖެ އެމްވީ | 12 ނޮވެމްބަރު 2023 | އާދީއްތަ 00:37
ބައެއް ވިޔަފާރިތަކަށް ގެއްލުން ދިނުން
މާލޭގެ ކޭއެފްސީ އާއި ޕިއްޒާ ހަޓް އަދި ކޮކާކޯލާ ހިންގާ ތަންތަނަށް ގެއްލުން ދީފިއެވެ.
އެ ވިޔަފާރިތައް ހިންގާ އިމާރާތުގެ އެތެރެއާއި ބޭރަށް ވަނީ ކަޅުތެޔޮ ޖަހާފައެވެ.
އެތަންތަނަށް ގެއްލުންދީފައި ވަނީ ހޮނިހިރު ދުވަހުގެ ރޭގެ ވަގުތެއްގައެވެ.
އެ ތަންތަނަށް ހަމަލާދީފައި ވަނީ މޫނު ނިވާކޮށްގެން ތިބި ބައެކެވެ.
އެ މީހުން ވަނީ އެ ވިޔަފާރިތައް ހުއްޓާލަން އިންޒާރުވެސް ދީފައެވެ.
މިތަންތަނަށް ގެއްލުން ދިނުމުގެ ގޮތުން ވަނީ އެތަންތަނަށް ކަޅުތެޔޮ ޖަހާފަ އެވެ.
ފުލުހުން ދަނީ އެ މައްސަލަ ބަލަމުންނެވެ.
މި ތަންތަނަށް ގެއްލުން ދީފައި ވަނީ އިސްރާއިލުގެ މީހުން އިސްވެ ހިންގާ ވިޔަފާރިތައް ބޮއިކޮޓްކުރުމަށް ގޮވާލަމުންދާ ދަނޑިވަޅެއްގައެވެ.
