ކުޑަކުދިންނާއި ގުޅޭ ކަންކަން ނިންމުމުގައި އެ ކުދިންގެ އަޑު އަހަން ޖެހޭ - ޝިހާބު

ކުޑަކުދިންނައި ގުޅޭ ކަންކަން ނިންމުމުގައި އެ ކުދިންގެ އަޑު އަހަން ޖެހޭ ކަމަށް ޖެންޑަރ މިނިސްޓްރީގެ ސްޓޭޓް މިނިސްޓަރ މުހައްމަދު ޝިހާބު ވިދާޅުވެއްޖެއެވެ.

އޭނާ ކުރެއްވި ޓްވީޓެއްގައި ވިދާޅުވީ "ކުޑަކުދިންނާ ގުޅޭ ކަންކަމުގެ ގޮތް ނިންމުމުގައި، އެ ކުދިންގެ އަޑު އަހަން ޖެހޭނެ ކަމަށެވެ.

އަދި އެކުދިން ޝާމިލުކުރާ ވެއްޓެއްގައި ކަންކަން ކުރަން ޖެހޭ ކަމަށް ވެސް ޝިހާބު ވަނީ ވިދާޅުވެފައެވެ.

އަދި އެންމެންގެ ލޯތްބާއި އަޅާލުމާއި ހިމާޔަތާއިއެކު ބޮޑުވުމަކީ އެ ކުދިންނަށް ލިބިގެންވާ ހައްގެއް ކަމަށް ވިދާޅުވެފައި ވެއެވެ.

ހަމައެހެންމެ ކިޔެވުމާއި ކަސްރަތާއި ކުޅިވަރުގެ ފުރުސަތު މުޖުތަމައުގައި ތަންމިނަށް ހުޅުވާލެވިފައި އޮވެ، އޭގެ ހެޔޮ ފައިދާ ލިބުމަކީ ހަމަ ކޮންމެ ކުޑަކުއްޖެއްގެވެސް ހައްގެއް ކަމަށް އޭނާ ވަނީ ފާހަގަކުރައްވާފައެވެ.