ލޯންޗެއްގައި ޖެހި ހިނގި އެކްސިޑެންޓެއްގައި މީހަކު ނިޔާވެއްޖެ
3 ނޮވެމްބަރު 2023 | ހުކުރު 00:20މި އެކްސިޑެންޓުގައި ނިޔާވެފައިވަނީ ޢުމުރުން 45 އަހަރުގެ ދިވެހި ފިރިހެނެއް
އާއިޝަތު ޝިއުރާ | 3 ނޮވެމްބަރު 2023 | ހުކުރު 00:20
ގއ ގެމަނަފުށި
ދަގަނގަޑު ޖަހައިގެން މަސް ހިފަން އުޅުނު މީހެއްގެ ގައިގައި ލޯންޗަކުންޖެހި، އެމީހާ ނިޔާވެއްޖެއެވެ.
މިއެކްސިޑެންޓު ހިނގާފައިވަނީ ގއ. ގެމަނަފުށީގައެވެ. މިހާދިސާއާ ގުޅޭގޮތުން ފުލުހުން ބުނީ މި އެކްސިޑެންޓުގައި ނިޔާވެފައިވަނީ ޢުމުރުން 45 އަހަރުގެ ދިވެހި ފިރިހެނެއްކަމަށެވެ.
މިއެކްސިޑެންޓް ހިނގާފައިވަނީ މަސްހިފަން މޫދަށް އެރި އުޅެނިކޮށް ގެމަނަފުށީ ފަޅަށް ވަންނަން އައި ލޯންޗެއްގައި އެމީހާ ޖެހިގެންކަމަށް ފުލުހުން ބުނެއެވެ. އެމީހާ ހޮސްޕިޓަލަށް ގެންދިޔައިރުވެސް ވަނީ ނިޔާވެފައެވެ.
