ބޯޕާލްގެ ނޭޝަނަލް ޖުޑީޝަލް އެކެޑަމީގެ ތަމްރީނެއްގައި ކްރިމިނަލް ކޯޓުގެ ޓީމެއް ބައިވެރިވެއްޖެ
އިންޑިއާ އިން ދަނީ އެކި ދާއިރާތަކުން ރާއްޖެ އަށް ތަމްރީނުގެ އެހީތެރިކަން ފޯރުކޮށްދެމުން
ބޯޕަލްގެ ނޭޝަނަލް ޖުޑީޝަލް އެކެޑަމީގެ ތަމްރީނެއްގައި ބައިވެރިވި ޓީމް
އަވަށްޓެރި އިންޑިއާގެ ބޯޕާލްގެ ނޭޝަނަލް ޖުޑީޝަލް އެކެޑަމީގެ ތަމްރީނެއްގައި ކްރިމިނަލް ކޯޓުގެ ޓީމެއް ބައިވެރިވެއްޖެއެވެ.
ކްރިމިނަލް ކޯޓުން ބުނީ އެ ތަމްރީނުގައި ބައިވެރިވެފައި ވަނީ ދިވެހިރާއްޖޭގެ ޖުޑީޝަރީގެ ޤާބިލްކަން އިތުރުކުރުމުގެ މަޤުސަދުގައި ކަމަށެވެ.
އަދި އިންޑިއާގެ ބޯޕަލްގެ ނޭޝަނަލް ޖުޑީޝަލް އެކެޑަމީ އޮފް އިންޑިއާގައި ކުރިއަށްގެންދާ މި ތަމްރީނުގައި ކްރިމިނަލް ކޯޓުގެ އިސް ޤާޟީ ބައިވެރިވެވަޑައިގެންނެވިއެވެ.
ކްރިމިނަލް ކޯޓުން ބުނީ އެ ތަމްރީނުގައި އެ ކޯޓުގެ އިތުރު ޤާޟީން އަދި ރަޖިސްޓްރާ ވެސް ބައިވެރިވެވަޑައިގަންނަވާފައިވާ ކަަމަށެވެ.
އިންޑިއާ އިން ދަނީ އެކި ދާއިރާތަކުން ރާއްޖެ އަށް ތަމްރީނުގެ އެހީތެރިކަން ފޯރުކޮށްދެމުންނެވެ. އެގޮތުން އަދުލު އިންސާފާއި ތައުލީމްގެ ދާއިރާއިން މީހުން ތަމްރީންކުރުމުގައި އިންޑިއާގެ އެހީތެރިކަން ދަނީ ލިބެމުންނެވެ.
