ފޭދޫ ފަޅު ގެއެއްގެ ތެރޭގައި ހުރި ގަސްތަކެއްގައި ރޯވި އަލިފާންގަނޑު ނިއްވާލައިފި
ހާދިސާގައި އެއްވެސް މީހަކަށް އަނިޔާއެއް ލިބިފައެއް ނުވޭ
ސިމާހާ ނަސީމް | 29 އޮކްޓޯބަރު 2023 | އާދީއްތަ 12:33
ފޭދޫ ފަޅު ގެއެއްގެ ތެރޭގައި ހުރި ގަސްތަކެއްގައި އަލިފާން ރޯވުން
އައްޑޫސިޓީ ފޭދޫ ހަސީނީ ސްޓޯރ ކައިރި، ފަޅުގެއެއްގެ ތެރޭގައި ހުރި ގަސްތަކެއްގައި ރޯވި އަލިފާން، އެމްއެންޑީއެފް ސަދަން އޭރިއާ ކޮމާންޑް، ސ. ހިތަދޫ ފަޔަރ ސްޓޭޝަނުގެ ފަޔަރ ފައިޓަރުން ހަރަކާތްތެރިވެ، ނިއްވާލައިފިއެވެ.
އެމްއެންޑީއެފުން ބުނީ މި ހާދިސާގެ މަޢުލޫމާތު މިއަދު މެންދުރު 12:15 އެހާއިރު އެމްއެންޑީއެފް ސަދަން އޭރިއާ ކޮމާންޑް، ސ. ހިތަދޫ ފަޔަރ ސްޓޭޝަނަށް ލިބުމާއެކު އެ ފަޔަރ ސްޓޭޝަންގެ ފަޔަރ ފައިޓަރުން ހަރަކާތްތެރިވެފައިވާ ކަމަށެވެ. އެގޮތުން އެ ސަރަހައްދަށް ފަޔަރ ފައިޓަރުން ގޮސް ކުރި މަސައްކަތުން ރޯވެފައިހުރި އަލިފާން ނިއްވާލާފައި ވަނީ މެންދުރުފަހު 13:08 ހާއިރުއެވެ.
މި ހާދިސާގައި އެއްވެސް މީހަކަށް އަނިޔާއެއް ލިބިފައެއް ނުވެއެވެ.
