މަކަރާއި ހީލަތުން ފައިސާ ހޯދުމުގެ މައްސަލައެއްގައި މީހަކު ހޯދަނީ
މި މައްސަލާގައި ހޯދަމުންދަނީ ށ. ފުނަދޫ / ތަރަހަ، ރައްޒާނު އާދަމް
ފުލުސް އޮފީހަށް ހާޒިރުވާން އަންގާފައިވާ، ރައްޒާނު އާދަމް
މަކަރާއި ހީލަތުން ފައިސާ ހޯދުމުގެ މައްސަލައެއްގައި މީހަކު ހޯދަން ދިވެހި ފުލުހުންގެ ޚިދުމަތުން އިއުލާންކޮށްފިއެވެ.
ފުލުހުން ބުދަ ދުވަހު ބުނެފައިވާ ގޮތުގައި ހޯދަމުން އަންނަނީ ކ. މާފުށީ ޕޮލިސް ސްޓޭޝަނުން ބަލަމުންދާ، މަކަރާއި ހީލަތުން މީހެއްގެ އަތުން ފައިސާ ހޯދުމުގެ މައްސަލައެއްގެ ތަހުގީގަށް ހާޒިރުކުރުމަށް ބޭނުންވާ މީހެއް ކަމަށެވެ. އެގޮތުން މި މައްސަލާގައި ހޯދަމުންދަނީ ށ. ފުނަދޫ / ތަރަހަ، ރައްޒާނު އާދަމް، 32އ. އެވެ.
ފުލުހުން ބުނީ އޭނާ ތަހުގީގަށް ހާޒިރުކުރުމަށް ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާކަަމަށެވެ. އެހެންވެ ޖިނާއީ މައްސަލަތައް ތަހުގީގުކުރުމުގައި ފުލުހުން އަމަލުކުރާ އިޖުރާއަތުގެ ގަވާއިދުގެ 27 ވަނަ މާއްދާގައިވާ ގޮތުގެމަތިން، ތަހުގީގަށް ހާޒިރުވުމަށް އަންގައި އިއުލާނުކުރީ ކަމަށް އެ އިދާރާއިން ބުނެއެވެ.
