އެއަރޕޯޓު ތެރެއަށް ކުޅުޖަހާ އެހެން މީހުންނަށް އުނދަގޫކުރި ޗައިނާ މީހާ އިމިގްރޭޝަނާއި ހަވާލުކޮށްފި
ބުރާސްފަތި ދުވަހު ޗައިނާ މީހާ ވަނީ އިމިގްރޭޝަނާއި ހަވާލުކޮށްފައި
ވެލާނާ އިންޓަރނޭޝަނަލް އެއާޕޯޓުގެ ޗެކިން ކުރިއަށް ދަނީ
އެއަރޕޯޓު ތެރެއަށް ކުޅުޖަހާ އެހެން މީހުނަށް އުނދަގޫކުރި ޗައިނާ މީހާ އިމިގްރޭޝަނާއި ހަވާލުކޮށްފިއެވެ.
އެއަރޕޯޓު ތެރެއަށް ކުޅުޖަހާ އެހެން މީހުނަށް އުނދަގޫކުރި ޗައިނާގެ އަންހެނަކު ބުރާސްފަތި ދުވަހު، ވެލާނާ އިންޓަނޭޝަނަލް އެއާޕޯޓު ތެރެއިން ފުލުހުންގެ ބެލުމުގެ ދަށަށް ގެނަސްފައިވެއެވެ.
ފުލުހުން ބުނެފައިވަނީ ޗައިނާ އަންހެން މީހާ ފުލުހުންގެ ބެލުމުގެ ދަށަށް ގެންގޮސްފައިވަނީ، އެހެން މީހުންނަށް އުދަނގޫ ވާގޮތަށް އެއާޕޯޓު ތެރޭގައި އަޑުގަދަކޮށް ތަންތަނަށް ކުޅުޖެހުންފަދަ އަމަލުތައް ހިންގާތީކަމަށް ފުލުހުން ވަނީ ބުނެފައެވެ.
މި މައްސަލައާއި ގުޅޭގޮތުން ފުލުހުން ބުނެފައިވަނީ، ފުލުހުންގެ ބެލުމުގެ ދަށަށް ގެނެވުނު އަންހެން މީހާ އެ ދުވަހު އިމިގްރޭޝަނާއި ހަވާލުކޮށްފައިވާ ކަމަށެވެ.
