މަކުނުދޫގައި ގޭސްފުޅި ގޮވި ހާދިސާ އެމްއެންޑީއެފް އިން ވެސް ދަނީ ތަހުގީގުކުރަމުން
22 އޮކްޓޯބަރު 2023 | އާދީއްތަ 00:39ނިޔާވެފައިވަނީ މަކުނުދޫ އެއަރޕޯޓް ބިން ހިއްކުމުގެ މަސައްކަތް ކުރަމުންދާ ކުންފުނީގެ ދެ މުވައްޒަފުން
މަކުނުދޫގައި ގޭސް ސިލިންޑަރެއް ގޮވުން
މޯލްޑިވްސް ނޭޝަނަލް ޑިފެންސް ފޯސް، އެމްއެންޑީއެފް އިން ވެސް މަކުނުދޫގައި ގޭސްފުޅި ގޮވި ހާދިސާ ތަހުގީގުކުރަމުންދާ ކަމަށް އެ އިދާރާއިން ބުނެފިއެވެ.
އެ އިދާރާއިން ބުނިގޮތުގައި އެ އިދާރާއިން އެ ހާދިސާ ތަހުގީގުކުރަމުން ދަނީ ފުލުހުންނާއި ގުޅިގެންނެވެ. އެހެންނަމަވެސް އެކަމުގެ އިތުރު ތަފްސީލެއް ހިއްސާކޮށްފައެއް ނުވެއެވެ.
ހދ. މަކުނުދޫގައި ގޭސް ސިލިންޑަރެއް ގޮވާފައި ވަނީ ހޮނިހިރު ދުވަހު ހަވީރުގެ ވަގުތެއްގައެވެ.
އެ ހާދިސާގައި ދެ ބިދޭސީން ވަނީ މަރުވެފައެވެ.
ފުލުހުންގެ ފޮރެންސިކް ޓީމަކުން ވަނީ އެ މައްސަލަ ތަހުގީގުކުރަން ފަށާފައެވެ.
މިހާތަނަށް ބެލި ބެލުމުން އެނގޭ ގޮތުން ހާދިސާ ހިނގަން މެދުވެރިވީ މަކުނުދޫ މަސް މާރުކޭޓް ކައިރީގައި އޮތް ގޭސް ސިލިންޑަރެއް ގޮވައިގެން ކަމަށް ފުލުހުން ވަނީ ބުނެފައެވެ.
މިހާދިސާގައި ނިޔާވެފައިވަނީ މަކުނުދޫ އެއަރޕޯޓް ބިން ހިއްކުމުގެ މަސައްކަތް ކުރަމުންދާ ކުންފުނީގެ ދެ މުވައްޒަފުންކަމަށް ފުލުހުން ވަނީ ބުނެފައެވެ.
