މިދިޔަ ސެޕްޓެމްބަރު މަހު ކުޑަކުދިންނާއި ގުޅުންހުރި 10 މައްސަލައެއް ހުށަހެޅިފައިވާކަމަށް ފެމެލީ ކޯޓުން ބުނެފި
ސެޕްޓެމްބަރު މަހު ޚަރަދުގެ މައްސަލަތައް ގޮތުގައި 9 މައްސަލައެއް ފެމެލީ ކޯޓަށް ހުށަހެޅިފައިވޭ
ފެމިލީ ކޯޓް
މިދިޔަ ސެޕްޓެމްބަރު މަހު ކުޑަކުދިންނާއި ގުޅުންހުރި 10 މައްސަލައެއް ހުށަހެޅިފައިވާކަމަށް ފެމެލީ ކޯޓުން ބުނެފިއެވެ.
ހޮނިހިރު ދުވަހު ފެމިލީ ކޯޓުން އާންމުކުރި 2023 ވަނަ އަހަރުގެ ސެޕްޓެމްބަރު މަހުގެ މައްސަލަތަކުގެ ތަފާސްހިސާބުތައް ދައްކާގޮތުން، ސެޕްޓެމްބަރު މަހު ކުޑަކުދިންނާއި ގުޅުންހުރި 10 މައްސަލައެއް އެ ކޯޓަށް ހުށަހެޅިފައިވާއިރު، އޭގެތެރެއިން 7 މައްސަލައެއް ވަނީ ނިމިފައެވެ. އަދި 36 މައްސަލައެއް ނުނިމި ހުރިއިރު، އޮގަސްޓް މަހު ހުށަހެޅިފައިވާ 33 މައްސަލައެއް ނުނިމޭކަމަށް ފެމެލީ ކޯޓުން ވަނީ ބުނެފައެވެ.
މީގެއިތުރުން، މިދިޔަ ސެޕްޓެމްބަރު މަހު ޚަރަދުގެ މައްސަލަތައް ގޮތުގައި 9 މައްސަލައެއް ފެމެލީ ކޯޓަށް ހުށަހެޅިފައިވާއިރު، އޭގެތެރެއިން 3 މައްސަލައެއް ވަނީ ނިމިފައެވެ. އަދި 23 މައްސަލައެއް ނުނިމި ހުރިއިރު، އޮގަސްޓް މަހު ހުށަހެޅިފައިވާ 17 މައްސަލައެއް ނުނިމޭކަމަށް ފެމެލީ ކޯޓުން ވަނީ ބުނެފައެވެ.
