ކ. މާލެ
|
18 އޮކްޓޯބަރ 2023 | ބުދަ 10:04
އާޖެންޓީނާ އިން ކުޅުނު މެޗުގައި މެސީ
އާޖެންޓީނާ އިން ކުޅުނު މެޗުގައި މެސީ
ރޮއިޓާސް
ފީފާ ވޯލްޑް ކަޕް ކޮލިފިކޭޝަން
މެސީގެ ދެ ލަނޑާއެކު މޮޅުވެ، އާޖެންޓީނާ އިން އެއް ވަނައިގައި ހަމަޖެހިލައިފި
 
މިހާތަނަށް ކުޅުނު ހަތަރު މެޗުން ވެސް މޮޅުވެ، އެ ޓީމަށް ލިބެނީ 12 ޕޮއިންޓު

ފީފާ ވޯލްޑް ކަޕް ކޮލިފިކޭޝަންގައި ޕެރޫއާ ދެކޮޅަށް ކުޅުނު މެޗުންް މޮޅުވެ، އެންމެ ފަހުގެ ޗެމްޕިއަން އާޖެންޓީނާ އިން އެއް ވަނައިގައި ހަމަޖެހިލައިފި އެވެ.

ބުދަ ދުވަހުގެ ހެނދުނު ޕެރޫގައި ކުޅުނު މެޗުން އާޖެންޓީނާ މޮޅުވީ 2-0 އިންނެވެ. މެޗުގައި އެ ޓީމުގެ ކެޕްޓަން ލިއޮނަލް މެސީ ވަނީ ފުރަތަމަ 11 ގައި ހިމެނިގެން ކުޅެފަ އެވެ. މިއީ ދާދި ފަހުން ލިބުނު އަނިޔާއެއްގެ ސަބަބުން ކުޅުމާ ދުރުގައި ހުރުމަށްފަހު، އެނބުރި އައިސް މެސީ ފުރަތަމަ 11 ގައި ހިމެނުނު ފުރަތަމަ ފަހަރެވެ. އަދި ފުރިހަމަ މެޗެއް މެސީ ކުޅުނު ފުރަތަމަ ފަހަރެވެ. މެޗުން އާޖެންޓީނާ މޮޅުވީ މެސީ ޖެހި ދެ ލަނޑުންނެވެ.

Advertisement

މެޗުގެ ފުރަތަމަ ހާފުގެ 32 ވަނަ މިނެޓުގައި މެސީ އާޖެންޓީނާ އަށް ކުރި ހޯދައިދިނީ ނިކޮލަސް ގޮންޒާލޭސް ތަނަވަސްކޮށްދިން ފުރުސަތެއްގަ އެވެ. އޭގެ ފަހުން 42 ވަނަ މިނެޓުގައި އެ ޓީމުގެ ދެ ވަނަ ލަނޑު މެސީ ޖެހީ، ޒުވާން ކުޅުންތެރިޔާ އެންޒޯ ފެނާންޑޭޒް ތަނަވަސްކޮށްދިން ފުރުސަތެއްގަ އެވެ. މި މެޗުގައި ޖެހި ދެ ލަނޑާއެކު މެސީ ވެގެން ގޮސްފައި ވަނީ ދެކުނު އެމެރިކާ ސަރަަހައްދުން ކޮލިފިކޭޝަންގައި އެންމެ ގިނަ ލަނޑު ޖެހި ކުޅުންތެރިޔާ އަށެވެ. މިހާތަނަށް ކުޅުނު ހަ ކޮލިފިކޭޝަނުން މެސީ ވަނީ 63 މެޗު ކުޅެފަ އެވެ. އޭނާ ވަނީ 31 ލަނޑު ޖަހައިފަ އެވެ.

މޮޅާއެކު އާޖެންޓީނާ އިން ވަނީ އެއް ވަނައިގައި ފަސް ޕޮއިންޓުގެ ލީޑެއް ނަގައިފަ އެވެ. މިހާތަނަށް ކުޅުނު ހަތަރު މެޗުން ވެސް މޮޅުވެ، އެ ޓީމަށް ލިބެނީ 12 ޕޮއިންޓެވެ. ދެ ވަނައިގައި އޮތް އުރުގުއޭ އަދި ތިން ވަނައިގައި އޮތް ބްރެޒިލް އަށް ލިބެނީ ހަތް ޕޮއިންޓެވެ.

Advertisement
އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ފާޠިމަތު ޒުހައިރާ
0%
0%
0%
0%
0%
100%
ކޮމެންޓް