ޕީ.ސީ.އޯ.އެމް.އޭ.ގެ ފަރާތުން "ގްލޯބަލް ކޯޗިންގ އެންޑް ސްޕީކިންގ ސިމްޕޯޒިއަމް" އެއް ފަށައިފި

ޕްރޮފެޝަނަލް ކޯޗިންގ އެންޑް މެންޓޯރިންގ އެސޯސިއޭޝަން އޮފް މޯލްޑިވްސް (ޕީ.ސީ.އޯ.އެމް.އޭ)ގެ ފަރާތުން "ގްލޯބަލް ކޯޗިންގ އެންޑް ސްޕީކިންގ ސިމްޕޯޒިއަމް" އެއް ފަށައިފިއެވެ.

ހޮނިހިރު ދުވަހުގެ ހެނދުނު ފެށި މި ސިމްޕޯޒިއަމް ޝަރަފުވެރި ކޮށްދެއްވާފައިވަނީ ރައީސުލްޖުމްހޫރިއްޔާ އިބްރާހީމް މުހައްމަދު ސާލިހުގެ އަނބިކަނބަލުން ފަޒްނާ އަހުމަދެވެ.

މި ސިމްޕޯޒިއަމްގެ މައިގަނޑު މަގުސަދަކީ ކޯޗިންގގެ މުހިއްމުކަން އާންމުންނަށް ހާމަކޮށްދީ، ދިރިއުޅުމުގެ ވަކި ހިސާބަކުން ގޮންޖެހުންތަކާ ދިމާވުމުގެ ސަބަބުން މަޑުޖެހިފައި ތިބި ފަރާތްތަކަށް ކޯޗިންގގެ އެހީތެރިކަމާއެކު ކުރިއަށްދިއުމަށް އެހީތެރިކަން ފޯރުކޮށްދިނުން ކަމަށް އެ އެސޯސިއޭޝަނުން ވަނީ ބުނެފައެވެ.

މި ސިމްޕޯޒިއަމް ކުރިއަށްދާނީ ހޮނިހިރު ދުވަހުން ފެށިގެން ދެ ދުވަހުގެ ނިޔަލަށެވެ.