އިންތީޚާބީ ރައީސް، ޔޫރަޕިއަން ޔޫނިއަން އޮބްޒާވަރ މިޝަންއާ ބައްދަލުކުރައްވައިފި
އިންތިޚާބުގެ ކަންކަމާއި އިންތިޤާލީ މަރުޙަލާގެ ކަންކަން އަމާންކަމާއި އޮމާންކަމާ އެކު ކުއިޔަށްދިޔަ
އިންތިހާބީ ރައީސް ޔޫރަޕިއަން ޔޫނިއަން އޮބްޒާވަރ މިޝަންއާ ބައްދަލުކުރައްވަނީ
އިންތީޚާބީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، ޔޫރަޕިއަން ޔޫނިއަން އޮބްޒާވަރ މިޝަންއާ ބައްދަލުކުރައްވައިފިއެވެ.
މި ބައްދަލުވުމުގައި، އިންތިޚާބީ ނައިބު ރައީސް ހުސެއިން މުހައްމަދު ލަތީފް ވެސް ބައިވެރިވެވަޑައިގެންނެވިއެވެ.
އިންތިޚާބީ ރައީސް ގެ ވާހަކަފުޅުގައި، އިންތިޚާބުގެ ކަންކަން ބެއްލުވުމަށް އީޔޫ އިން ދެއްވި ސަމާލުކަމަށް ޝުކުރުއަދާކުރެއްވިއެވެ. އޮބްޒާވަރ މިޝަންގެ މަސައްކަތްތަކުގެ ސަބަބުން، އިންތިޚާބުތަކާ ގުޅޭ ކަންކަން އިތުރަށް ހަރުދަނާވެގެންދިޔުމަށް އުއްމީދުކުރައްވާކަމަށް ވިދާޅުވިއެވެ. އަދި އެ މަނިކުފާނުގެ ދައުރުގައި، މިނިވަން މުއައްސަސާތަކުގެ ހިންގުން އިތުރަށް ހަރުދަނާކޮށް، މުސްތަޤިއްލުކަން ކަށަވަރުކުރުމަށް މަސައްކަތްކުރަވާނެކަމަށް ވިދާޅުވިއެވެ.
އިންތިޚާބުގެ ކަންކަމާއި އިންތިޤާލީ މަރުޙަލާގެ ކަންކަން އަމާންކަމާއި އޮމާންކަމާ އެކު ކުއިޔަށްދާކަން ފާހަގަކުރައްވައި، ޔޫރަޕިއަން ޔޫނިއަން އޮބްޒާވަރ މިޝަންއިން، އެކަންކަމަށް މަރުޙަބާ ދެންނެވިއެވެ. އަދި ރިޔާސީ އިންތީޚާބާ ގުޅޭ ގޮތުން ތައްޔާރުކުރައްވާފައިވާ ރިޕޯޓު، އިންތިޚާބީ ރައީސް އަށް އެރުވިއެވެ.
