ހިޔާ ފްލެޓުން ވެއްޓުނު ކުއްޖާ ނިޔާވެއްޖެ

ހުޅުމާލޭގެ ހިޔާ ފްލެޓުގެ އެޕާޓްމެންޓަކުން ކުއްޖަކު ވެއްޓި ނިޔާވެއްޖެެއެވެ.

ފުލުހުން ބުނީ ހިޔާ ފްލެޓްގެ ޓަވަރަކުން ކުޑަ ކުއްޖަކު ވެއްޓިފައިވާ ކަމުގެ މައުލޫމާތު ލިބިފައި ވަނީ މިރޭ 11:58ހާކަށް ހާއިރުކަމަށެވެ.

އެ ކުއްޖާ ވެއްޓިފައި ވަނީ އެޗް6ގެ 12 ވަނަ ފަންގިފިލާއިން ކަމަށް ފުލުހުން ވަނީ ބުނެފައެެވެ.

ވެއްޓުނު ކުއްޖާ އަކީ 15 އަހަރުގެ ފިރިހެން ކުއްޖެކެވެ.

އެ ކުއްޖާ ވެއްޓުމާއި އެކު އެ ކުއްޖާ ހޮސްޕިޓަލަށް ވަނީ ގެންގޮސްފައެވެ.

މަންޒަރު ދުށް މީހުން ވަނީ ކުއްޖާ އަށް ވަރަށް ބޮޑަށް އަނިޔާވެފައިވާ ކަމަށް ބުނެފައެވެ.

އެ ކުއްޖާ ނިޔާވިކަމަށް ކަނޑައެޅިކަން ފުލުހުން ހާމަކުރީ މިރޭ 01:00ހާއިރެވެ.

ފުލުހުން ދަނީ މި މައްސަލަ އިތުރަށް ތަހުގީގުކުރަމުންނެވެ.