ބްރިޖް ހައިވޭގައި 4 ކާރު ޖެހި އެކްސިޑެންޓެއް ހިނގައިފި
އެކްސިޑެންޓުގައި މީހަކަަށް އަނިޔާވިކަން ނުވަތަ ނޫންކަން އަދި ފުލުހުން ހާމައެއް ނުކުރޭ
ބްރިޖްގައި ހިނގި އެކްސިޑެންޓް
ބްރިޖް ހައިވޭގައި އެކްސިޑެންޓެއް ހިނގައިފިއެވެ.
ފުލުހުން ބުނީ އެ އެކްސިޑެޓް ހިނގާފައި ވަނީ ބްރިޖް ހައިވޭގައި މާލެ އިން ހުޅުމާލެ އަށް ދަތުރުކުރާ ފަޅީގައި ކަމަށެވެ. އަދި އެކްސިޑެންޓު ހިނގީ އެ ފަޅީފައި 4 ކާރު ޖެހިގެން ކަމަށް ވެސް ފުލުހުން ވަނީ ބުނެފައެވެ. ހުކުރު ދުވަހުގެ ރޭ އިރު އޮއްސުނު ފަހުން ފުލުހުން ހިއްސާކުރި މެސެޖްގައި ބުނެފައި ވަނީ މި އެކްސިޑެންޓާއި ގުޅިގެން ފުލުހުން އެކްސިޑެންޓުވި ސަރަހައްދުގައި ހަރަކާތްތެރިވަމުންދާ ކަމަށެވެ.
އެކްސިޑެންޓާއި ގުޅިގެން ބްރިޖްގެ ޓްރެފިކް ވަނީ ބްލޮކްވެފައެވެ. އެކަމަށް ބްރިޖް ބޭނުންކުރާ ފަރާތްތަކުން ސަމާލުވުމަށް ފުލުހުން ވަނީ އިލްތިމާސްކޮށްފައެވެ.
މި އެކްސިޑެންޓް ހިނގަން މެދުވެރިވި ސަބަބާއި، އެކްސިޑެންޓުގައި މީހަކަަށް އަނިޔާވިކަން ނުވަތަ ނޫންކަން އަދި ފުލުހުން ހާމައެއް ނުކުރެއެވެ.
