މެޗުގެ އިތުރު ވަގުތުގައި ލަނޑު ޖަހައިގެން ޕެޑްރޯ ސެލްޓިކް އަތުން ލާޒިއޯ މޮޅުކޮށްދީފިއެވެ.
ޗެމްޕިއަންސް ލީގު ގްރޫޕް އީގައި ޕެޑްރޯ މެޗުގެ އިތުރު ވަގުތުގެ ފަސްވަނަ މިނެޓުގައި ލަނޑު ޖެހިއިރު ދެޓީމް އޮތީ 1-1 ން އެއްވަރު ވެފައެވެ. މެޗުގައި ފުރަތަމަ ލަނޑުޖަހާ ކުރިހޯދީ ސްކޮޓްލެންޑްގެ ޗެމްޕިއަން ސެލްޓިކުންނެވެ. 12 ވަނަ މިނެޓުގައި އެޓީމަށް ކުރިހޯދައިދިނީ ކީޔޯގޯ ފުރުހަޝިއެވެ. ހާފް ނިމުމުގެ ކުރިން ލާޒިއޯއަށް ނަތީޖާ ހަމަހަމަކޮށްދިނީ ވެސީނޯއެވެ. މިގްރޫޕްގައި އެތްލެޓިކޯ މެޑްރިޑުން ވަނީ 3-2 ން ފޭނޫޑް ބަލިކޮށްފައެވެ.
ގްރޫޕްގެ އެއްވަނާގައި އޮތީ 4 ޕޮއިންޓާއެކު އެތްލެޓިކޯ މެޑްރިޑެވެ. ދެވަނާގައި އޮތް ލާޒިއޯވެސް ވަނީ 4 ޕޮއިންޓް ހޯދާފައެވެ. ތިންވަނާގައި 3 ޕޮއިންޓާއެކު އޮތީ ފޭނޫޑެވެ. ސްކޮޓްލެންޑަށް ދެ މެޗުން ޕޮއިންޓެއް ނުލިބެއެވެ.
