އެޗްއެސް.ސީ އިމްތިހާނުގެ ޖަވާބު ކަރުދާސް މާކު ކުރާނެ މީހުން ހޯދަނީ
4 އޮކްޓޯބަރު 2023 | ބުދަ 07:08މަޤާމުތަކަށް ކުރިމަތިލުމުގެ ސުންގަޑިއަކީ އޮކްޓޯބަރު 10 ވާ އަންގާރަ ދުވަސް
މަޤާމުތަކަށް ކުރިމަތިލުމުގެ ސުންގަޑިއަކީ އޮކްޓޯބަރު 10 ވާ އަންގާރަ ދުވަސް
އެޗްއެސް.ސީ އިމްތިހާނުގެ ޖަވާބު ކަރުދާސް މާކު ކުރާނެ އެގްޒެމިނަރުން، އޮޑިޓަރުން، މޮޑަރޭޓަރުން އަދި މާކަރުން ހޯދުމަށް ޑިޕާޓްމަންޓް އޮފް ޕަބްލިކް އެގްޒެމިނޭޝަނުން އިއުލާނުކޮށްފިއެވެ.
ބުދަ ދުވަހު އެ އިދާރާއިން ކުރި އިއުލާނެއްގައި ވަނީ ދިވެހި އަދި އިސްލާމް މާއްދާއަށް އެގްޒެމިނަރުންނާއި، އޮޑިޓަރުންނާއި، މޮޑަރޭޓަރުންގެ އިތުރުން، މާކް ކުރާނެ ފަރާތްތައް ހޯދުމަށް އިއުލާނުކޮށްފައެވެ.
ޑިޕާޓްމަންޓް އޮފް ޕަބްލިކް އެގްޒެމިނޭޝަނުން މައުލޫމާތު ދޭ ގޮތުގައި މާކިންގ ސްކީމް ފައިނަލް ކުރުން އޮންނާނީ 14 އޮކްޓޫބަރު 2023 އިން 24 އޮކްޓޫބަރު 2023 އަށެވެ.
އަދި މާކް ކުރުން ކުރިއަށްދާނީ 01 ނޮވެންބަރު 2023 އިން 18 ނޮވެންބަރު 2023ށް ކަމަށްވެސް އެ އިދާރާއިން މައުލޫމާތުދެއެވެ.
މި މަޤާމުތަކަށް މީހުން ހޮވުމުގައި ބަލާނީ ތަޢުލީމީ ފެންވަރާއި، ކިޔަވައިދިނުުމުގެ ތަޖުރިބާގެ އިތުރުން، މާކިންގ މަސައްކަތުގެ ތަޖުރިބާއަށެވެ.
މި މަޤާމުތަކަށް ކުރިމަތިލުމުގެ ސުންގަޑިއަކީ އޮކްޓޯބަރު 10 ވާ އަންގާރަ ދުވަހުގެ މެންދުރު 12:00 އެވެ.
