ބާރުތައް ބަދަލުކުރާ ދަނޑިވަޅުގައި ސަރުކާރުން ކަންކަން ކުރުމުގައި ސަމާލުކަންދޭންވީ ކަންކަން އޭސީސީން ކިޔައިދީފި
3 އޮކްޓޯބަރު 2023 | އަންގާރަ 00:26މުޅިން އައު ޕްރޮޖެކްޓުތައް ނުފެށުމަށް ވަނީ ބުނެފައި
އެންޓި ކޮރަޕްޝަން ކޮމިޝަން
ބާރުތައް ބަދަލުކުރާ ދަނޑިވަޅުގައި ކޮރަޕްޝަނަށް މަގުފަހިވާ ކަންކަމުން ދުރުވުމަށް ސަރުކާރުން ސަމާލުކަންދޭންވީ ކަންކަން އެންޓިކޮރަޕްޝަން ކޮމިޝަން (އޭސީސީ) އިން ކިޔައިދީފިއެވެ.
އޭސީސީން ހޯމަ ދުވަހުގެ ރޭ ނެރުނު ބަޔާނެއްގައި ބުނީ ރިޔާސީ އިންތިޚާބު ނިމި، ވެރިކަން ހިންގުމުގެ ބާރާ، އައު ސަރުކާރަކުން ހަވާލުވުމުގެ ވަގުތު ކައިރިވަމުންދާއިރު މި ދަނޑިވަޅުގައި ބައެއް ފަރާތްތަކުން ކޮރަޕްޝަނަށް މަގުފަހިވާ ގޮތަށް ކުއްލި ކަންތައްތަކެއް ކުރުމަށް ނިންމަމުން ގެންދާ ކަމުގެ ގިނަ ޝަކުވާތަކެއް ލިބެމުންދާ ކަމަށެވެ. އެހެންވެ ސަރުކާރުގެ އޮފީސްތަކާއި ދައުލަތުގެ އިދާރާތަކާއި މުއައްސަސާތަކާއި ސަރުކާރު ހިއްސާވާ ކުންފުނިތަކުން އެ އިދާރާއިން އިލްތިމާސްކުރާ ގޮތަށް އަމަލުކުރުމަށް ވަނީ ބުނެފައެވެ.
މީގެ ތެރޭގައި ހިމެނެނީ
އޭސީސީން ވަނީ މިފަދަ އެއްވެސް އަމަލެއް ހިންގާކަމުގެ މައުލޫމާތު ލިބިއްޖެނަމަ އެ މައުލޫމާތު އެ ކޮމިޝަނާ ހިއްސާކުރުމަށް އިލްތިމާސްކޮށްފައެވެ. އަދި މިފަދަ ކަންކަމުގައި ފާރަވެރިވެ، ތަހުގީގުކުރަން ޖެހޭ ކަންކަން ދެނެގަނެ ފިޔަވަޅުއަޅަމުންދާނެ ކަމަށް ވެސް އެ ކޮމިޝަނުން ވަނީ ބުނެފައެވެ.
މީގެ އިތުރުން އެ ކޮމިޝަނުން އެފަދަ އަމަލުތައް ހުއްޓުވައި، އަޅަން ޖެހޭ ފިޔަވަޅުތައް އަަޅާނެ ކަމުގެ ޔަގީންކަން ވެސް އޭސީސީން ވަނީ ދީފައެވެ.
