ސިފްކޯ ހިޔާއަށް އިތުރުކުރި 30 ފެލެޓް ދޭނެ ފަރާތްތައް ވަނީ މާކުރިން އިއުލާންކޮށްފައި: އެމްއެންޑީއެފް
ސިފްކޯ ހިޔާއަށް އިތުރުކުރި 30 ފްލެޓް ދޭނެ ފަރާތްތަކުގެ ލިސްޓަށް ބަދަލު ގެނެސް ފްލެޓް ދެނީ 10 ފަރާތަކަށްކަމަށް ބުނެ ގެނެސްދީފައިވަނީ ހަގީގަތާއި ޚިލާފު ދޮގު ޚަބަރެއް
ސިފްކޯ ހިޔާ ފްލެޓް
ސިފްކޯ ހިޔާ އަށް އިތުރުކުރި 30 ފްލެޓް ދޭނެ ފަރާތްތަކުގެ ލިސްޓަށް ބަދަލުގެނެސް މިހާރު ފްލެޓް ދެނީ އެންމެ 10 ފަރާތަކަށް ކަމަށް ބުނެ ފަތުރަނީ ދޮގު ޚަބަރެއްކަމަށް އެމްއެންޑީއެފުން ބުނެފިއެވެ.
އެމްއެންޑީއެފުން ބުނީ 29 ސެޕްޓެމްބަރ ގައި "ދިޔަރެސް" އިން ގެނެސްދީފައިވާ ޚަބަރުގައި ރިޔާސީ އިންތިޚާބުގެ ދެވަނަ ބުރާ ގާތްވެފައިވަނިކޮށް ސިފްކޯ ހިޔާއަށް އިތުރުކުރި 30 ފްލެޓް ދޭނެ ފަރާތްތަކުގެ ލިސްޓަށް ބަދަލު ގެނެސް ފްލެޓް ދެނީ 10 ފަރާތަކަށްކަމަށް ބުނެ ގެނެސްދީފައިވަނީ ހަގީގަތާއި ޚިލާފު ދޮގު ޚަބަރެއްކަމަށެވެ.
އެކަން ދޮގުކޮށް އެމްއެންޑީއެފުން ބުނީ ސިފްކޯ ހިޔާއަށް އިތުރުކުރި 30 ފްލެޓް ދޭނެ ފަރާތްތައް ކަނޑައަޅާފައިވަނީ ރިޔާސީ އިންތިޚާބުގެ މާކުރިން މިފްލެޓްތައް ދޭނެ ފަރާތްތައް ކަނޑައެޅުމަށް އެކުލަވާލެވުނު ކޮމިޓީގެ ރެކޮމެންޑޭޝަންތަކާއި އެއްގޮތަށްކަމަށެވެ. އަދި މިފަރާތްތަކަށް ލިބިފައިވާ މާކްސްތަކާއެކު މިއަހަރުގެ ޖުލައި 24 ގައި ސިފައިންގެ މަރުކަޒުތަކުގައި އިއުލާންކުރެވިފައިވާކަމަށްވެސް އެމްއެންޑީއެފުން ބުނެއެވެ.
އެހެންކަމުން ގައުމީ ދިފާއީ ބާރުގެ އެކި ކަންކަމާއި ގުޅުވައިގެން ކަންކަމުގެ ހަގީގަތް އޮޅުވާލައި މުއައްސަސާގެ ނަން ކިލަނބުކޮށްލުމަށް ދޮގު ވާހަކަތައް ނުފެތުރުމަށް އެމްއެންޑީއެފުން ވަނީ އިލްތިމާސްކޮށްފައެވެ.
