އައްޑޫގައި ދުވަސްވީ މީހަކު ބަނދެ ފައިސާ ފޭރިގަތް މައްސަލައިގައި 50 އަހަރުގެ މީހަކު ހައްޔަރުކޮށްފި
29 ސެޕްޓެމްބަރު 2023 | ހުކުރު 00:32މިމައްސަލައިގައި އަނިޔާ ލިބިފައިވަނީ އުމުރުން 81 އަހަރުގެ ދިވެހި ފިރިހެނަކަށް
އާއިޝަތު ޝިއުރާ | 29 ސެޕްޓެމްބަރު 2023 | ހުކުރު 00:32
އައްޑޫ ސިޓީ
އައްޑޫ ސިޓީ މަރަދޫގައި އުމުރުން ދުވަސްވީ މީހަކު ދިރިއުޅޭ ގެއަކަށް މީހަކު ވަދެ، އެމީހާ ބަނުމަށްފަހު ފޭރިގެންފައިވާ މައްސަލައިގައި 50 އަހަރުގެ ދިވެހި ފިރިހެނަކު ހައްޔަރުކޮށްފައިވާކަމަށް ފުލުހުން ބުނެފިއެވެ.
ފުލުހުން ބުނީ މިމައްސަލައިގައި އަނިޔާ ލިބުނު މީހާ، ޓީޝާޓެއް ބޭނުންކޮށްގެން ބަނދެފައިވަނިކޮށް ސަލާމަތްވާން މަސައްކަތްކުރުމުގެ ތެރޭގައި އެމީހާގެ ހުންނަ ހަމުގެ ބައްޔެއްގެ ސަބަބުން އަތުގެ މުލައްދަނޑިއަށް ބޮޑެތި އަނިޔާތަކެއް ލިބިފައިވާކަމަށެވެ. އަނިޔާވެފައިވަނީ އުމުރުން 81 އަހަރުގެ ދިވެހި ފިރިހެނަކަށެވެ.
މިމައްސަލަ ފުލުހުންނަށް ހުށަހަޅާފައިވަނީ ބުރާސްފަތި ދުވަހުގެ ހެނދުނު 6:12 ހާއިރުއެވެ. މިމައްސަލަ ފުލުހުން ގެންދަނީ އިތުރަށް ތަހުގީގުކުރަމުންނެވެ.
