ލަސްޕަލްމާސް ބަލިކޮށް ރެއާލް ދެ ވަނަ އަށް

ފަސޭހަކަމާއެކު ލަސް ޕަލްމާސް 2-0އިން ބަލިކޮށް ރެއާލް މެޑްރިޑް ސްޕެނިޝް ލީގުގެ ތާވަލުގެ ދެ ވަނަ އަށް ޖެހިލައިފި އެވެ.

މިއީ އެތްލެޓިކޯ މެޑްރިޑް އަތުން ބަލިވުމަށްފަހު މިސީޒަނުގައި މޮޅުވަމުން އައި ސިލްސިލާ އަށް ނިމުން އައި ފަހުން ރެއާލް ކުޅުނު ފުރަތަމަ މެޗެވެ. ޓީމު މޮޅުކޮށްދޭން ލަނޑު ޖެހީ ބްރެހަމް ޑައިޒް އާއި ހޮސެލޫ އެވެ.

މިމޮޅާއެކު ރެއާލް އޮތީ އެއްވަނާގައިވާ ޖިނޯރާއަށްވުރެ އެއް ޕޮއިންޓް މަދުން 18 ޕޮއިންޓާއެކު ދެ ވަނައިގަ އެވެ. ޗެމްޕިއަން ބާސެލޯނާ އޮތީ 17 ޕޮއިންޓާއެކު ތިން ވަނައިގަ އެވެ.

ކޯޗު ކާލޯ އެންޗެލޯޓީ ބުނީ ކޮންމެ މެޗަކުން ރެއާލް މޮޅުވުމަކީ މުހިންމު ކަމެއް ކަމަށާއި ނޫންނަމަ ސަޕޯޓަރުންނަށް މާޔޫސްކަން ވެރިވާނެ ކަމަށެވެ. އޭނާ އަދި ބުނީ މި މެޗުގައި ދެއްކި ކުޅުމާމެދު ހިތްހަމަޖެހޭ ކަމަށާއި ރެއާލް އަކީ ދުވަސްވީ އަދި ޒުވާން ކުޅުންތެރިން ގިނަ ޓީމަކަށްވުމުން އެންމެނަށް ފުރަތަމަ 11އިން ކޮންމެ މެޗެއްގައި ފުރުސަތު ދިނުމަކީ މުހިންމު ކަމެއްނޫން ކަމަށެވެ.