އެސްޓަން ވިލާ އަތުންވެސް ބަލިވެ, މިސީޒަންގައި ޗެލްސީގެ ގޯސް ނަތީޖާ ތަކުރާރުވެއްޖެއެވެ.
އިނގިރޭސި ޕްރިމިއަރ ލީގުގައި އެސްޓަން ވިލާ އަތުން ޗެލްސީ ބަލިވީ އަމިއްލަ ދަނޑުގައި 1-0ންނެވެ. މެޗުގައި ޗެލްސީ އަތުން އެސްޓަން ވިލާ މޮޅުކޮށްދިން ލަނޑު 73 ވަނަ މިނިޓްގައި ޖެހީ ވަޓްކިންސްއެވެ. މެޗުގެ ދެވަނަ ހާފް ޗެލްސީން ކުޅެން ޖެހުނީ 10 ކުޅުންތެރިންނާއެކުއެވެ. އެއީ ދެވަނަ ހާފް ފަށައިގެން 13 ވަނަ މިނިޓްގައި ގުސްޓޯއަށް ރަތްކާޑު ދެއްކުމުންނެވެ. އޭނާއަށް ރަތްކާޑު ދެއްކީ ކުރި ނުރައްކާތެރި ފައުލަކާ ގުޅިގެންނެވެ.
ލީގުގައި ފުރަތަމަ ހަ މެޗު ކުޅުނުއިރު، ޗެލްސީއަށް ޕޮއިންޓް ލިބިފައިވަނީ ކުޅުނު މެޗުގެ އަދަދަށްވުރެވެސް މަދުންނެވެ. އެއީ ފަސް ޕޮއިންޓެވެ. ތާވަލްގައި އެޓީމްގެ މަގާމަކީ 14އެވެ.
