ޑީއެޗްއެލް ޕެކޭޖެއް ނެގުމަށް ކަމަށް ބުނެ ސްކޭމް މެސެޖެއް ދައުރުވަނީ
ލިންކް މެދުވެރިކޮށް ކޭޝް ކާޑުގެ މަޢުލޫމާތު ހިއްސާކުރުމަށް އެދެމުންދާތީ އެކަން އެގޮތަށް ނުކުރުމަށް އިލްތިމާސް ކޮށްފައިވޭ
ޝަހީދު ހުސެއިން އާދަމް ބިލްޑިން
ޑީއެޗްއެލް ޕެކޭޖެއް ނެގުމަށް ކަމަށް ބުނެ ސްކޭމް މެސެޖެއް ދައުރުވަމުންދާ ކަމަށް ފުލުހުން ބުނެފިއެވެ.
ފުލުހުން ބުނީ ރާއްޖެއިން ބޭރުން މުދާ ގެނައުމުގައި ގިނަ ބަޔަކު ބޭނުންކުރާ ޑީއެޗްއެލްއިން ޕެކޭޖެއް ނެގުމަށް ކަސްޓަމްސް ފީއަށް ފައިސާ ދެއްކުމަށް ކަމަށް ބުނެ ޓީއެމްއޭގެ ނަމުގައި ލިންކެއް ހިމެނޭ މެސެޖެއް ދައުރުވަމުންދާތީ އެކަމަށް ސަމާލުވުމަށް އެދޭ ކަމަށެވެ. އަދި އެ ލިންކް މެދުވެރިކޮށް ކޭޝް ކާޑުގެ މަޢުލޫމާތު ހިއްސާކުރުމަށް އެދެމުންދާތީ އެކަން އެގޮތަށް ނުކުރުމަށް ވެސް ފުލުހުން ވަނީ އިލްތިމާސްކޮށްފައެވެ.
ސްކޭމް ކޯލުތަކަށް އާއްމުން ހެލުންތެރިކުރުވުމުގެ ގޮތުން ކަމާބެހޭ ފަރާތްތަކުން ތަފާތު ހަރަކާތްތައް ވެސް ކުރިއަށް ގެންދެއެވެ. އަދި އެހެން ލިބޭ ކޯލުތަކަށް ޖަވާބު ނުދިނުމަށާއި، ފޮނުވާ ލިންކްތަކަށް ނުފިތުމަށް އިލްތިމާސްކޮށްފައިވެއެވެ. ބީއެމްއެލުން ބުނީ އެސްއެމްއެސް މެދުވެރިކޮށް ވެސް މަކަރާއި ހީލަތުން ކަސްޓަމަރުންނަށް އޮޅުވާލައިގެން ކަސްޓަމަރުންގެ އިންޓަރނެޓް ބޭންކިންގ މައުލޫމާތު ހޯދުމަށް މަސައްކަތްކުރަމުންދާ ކަމަށެވެ.
