މާލެއިން ގެއްލިގެން ހޯދަމުންދިޔަ 21 އަހަރުގެ ޒުވާނާ ފެނިފައިވާކަމަށް ފުލުހުން ބުނެފިއެވެ.

ފުލުހުން ބުނީ ގެއްލިގެން ހޯދަމުންދިޔަ އއ.މާޅޮސް/ހުސްނޫވިލާ، 21 އަހަރުގެ ޢަލީ ރިޝާން އާއިލާއަށް ގުޅާފައިވާކަމަށާއި އޭނާގެ ހާލު ރަނގަޅުކަމަށެވެ.

ރިޝާން އާއިލާއަށް ޚަބަރެއްނުވެ ގެއްލިފައިވާ ކަމަށް ފުލުހުންނަށް ރިޕޯޓްކޮށްފައިވަނީ ސެޕްޓެމްބަރ މަހުގެ 15 ވަނަ ދުވަހުއެވެ. އޭނާގެ ޚަބަރެއް އެންމެ ފަހުން އާއިލާއަށް ލިބިފައިވަނީ މީގެ 2 ހަފްތާއެއްވަރު ކުރިންކަމަށް ފުލުހުން ބުނެއެވެ.