މަރުވެފައި އޮތް ބިދޭސީއަކު ހުޅުމާލެއިން ފެނިއްޖެ
16 ސެޕްޓެމްބަރު 2023 | ހޮނިހިރު 05:14މަރުވީ ޖޮގިންއަށް ނިކުމެ އުޅުނު މީހެއް
ސިމާހާ ނަސީމް | 16 ސެޕްޓެމްބަރު 2023 | ހޮނިހިރު 05:14
ހުޅުމާލެ
މަރުވެފައިއޮތް ބިދޭސީއަކު ހުޅުމާލެއިން ފެނިއްޖެއެވެ.
ފުލުހުން ބުނީ ހޮނިހިރު ދުވަހުގެ ހެނދުނު 8:02 ހާއިރު ހުޅުމާލޭ އުނިގަސް މަގުގައި މީހަކު ވެއްޓިފައި އޮތްކަމުގެ މައުލޫމާތު ލިބުނު ކަމަށާއި, އޭނާ ހުޅުމާލޭ ހޮސްޕިޓަލަށް ގެންދިޔައިރުވެސް މަރުވެފައިވާކަމަށް ހޮސްޕިޓަލުން ފުލުހުންނަށް މައުލޫމާތު ދީފައިވާކަމަށެވެ.
ފުލުހުން ބުނީ މަރުވެފައިވަނީ އުމުރުން 68 އަހަރުގެ ފިރިހެނެއް ކަމަށެވެ. އޭނާއަކީ ސިންގަޕޫރު މީހެއް ކަމަށާއި އެއީ ޖޮގިންއަށް ނިކުމެ އުޅުން މީހެއް ކަމަށްވެސް ފުލުހުން ބުންޏެވެ.
މި މައްސަލައާ ގުޅިގެން ބަލަންޖެހޭ ކަންކަން ބަލަމުން ދާކަމަށްވެސް ފުލުހުން ބުންޏެވެ.
