ޗައިނާއިން ރަޝިޔާއާއެކު 700 މިލިއަން ޑޮލަރުގެ ބޮޑު މަޝްރޫއެއް ހިންގަން ނިންމައިފި

ޗައިނާއިން ރަޝިޔާއާއެކު ދެގައުމު ހިއްސާވާ ބޯޑަރު ހުރަސްކޮށް 700 މިލިއަން ޑޮލަރުގެ ބޮޑު މަޝްރޫއެއް ހިންގަން ނިންމައިފިކަމަށް ބައިނަލް އަޤުވާމީ މީޑިއާ ރިޕޯޓްތައް ބުނެފިއެވެ.

ޗައިނާގެ ޝުއަންޔުއާން ގްރޫޕް އިންޑަސްޓްރިއަލް ޑިވެލޮޕްމަންޓުން ރަޝިއާގެ ދުރުއިރުމަތީގެ ރަޝިއާގެ އަމުރުހިނގާ ސަރަހައްދުގައި ބޮޑު ލޮޖިސްޓިކް ހަބެއް އެޅުމަށް ނިންމާފައިވާ އިރު، ފާއިތުވި އަހަރެއްހާ ދުވަހުގެ ތެރޭގައި ދެ ގައުމުގެ ދެމެދުގައި މުދާ އުފުލުމުގެ ވިޔަފާރި ދެގުނަ އަށް ވުރެ އިތުރުވެފައިވާ ކަމަށް އެ ގްރޫޕްގެ ސީއީއޯ ހައިލޯންގް ޒޫ ވިދާޅުވި އެވެ.  

މި ޕްރޮޖެކްޓަކީ ވްލަޑިވޮސްޓޮކްގައި ކުރިއަށްދާ އީސްޓަން އިކޮނޮމިކް ފޯރަމްގެ ހަވާސާގައި ޗައިނާގެ އިންޑަސްޓްރިއަލް ގްރޫޕުން ރަޝިއާގެ އިންވެސްޓަރުންނާ އެކު ހަދާފައިވާ ގިނަ އެއްބަސްވުންތަކުގެ ތެރެއިން އެއް އެއްބަސްވުމެވެ.  

ޗައިނާގެ ހެއިލޮންގްޖިއާންގް ޕްރޮވިންސްގެ ޓޮންގްޖިއާންގް ސިޓީ އާއި ނިޒްނެލެނިންސްކޮޔޭ އަވަށާ ދެމެދު އޮންނަ މި ހަބަކީ ރަޝިއާ-ޗައިނާ ކާގޯ ޓްރާންސްފާއަށް މަގުފަހިވާ ގޮތަށް ފަރުމާކޮށްފައިވާ ހަބެކެވެ. 

ހައިލޯންގް އިތުރަށް ވިދާޅުވީ ކުރިއަށް އޮތް އަހަރުތަކުގައި ރަޝިއާ އާއި ޗައިނާއާ ދެމެދު ކާގޯ ޓްރެފިކް ހަތަރު ގުނަ އިތުރުވާނެ ކަމަށް އޭނާ ލަފާކުރައްވާ ކަމަށެވެ.

ޝުއާންޔުއާން ގްރޫޕްގެ ސީއީއޯ ވިދާޅުވި ގޮތުގައި މި މަޝްރޫއުގެ ދަށުން ލިކުއިފައިޑް ނެޗުރަލް ގޭސް (އެލްއެންޖީ)، ލިކުއިފައިޑް ޕެޓްރޯލިއަމް ގޭސް (އެލްޕީޖީ)، އޭވިއޭޝަން ފިއުލް، ހީލިއަމް އަދި ޓެކްނޮލޮޖީގެ އެހެނިހެން ސާމާނު ފަދަ ނުރައްކާތެރި ނޫން މުދާ ރައްކާކޮށް އުފުލުމަށް ޓާމިނަލެއް އެޅުމަށް ވަނީ ނިންމާފަ އެވެ.  

ހައިލޯންގް އިން ބުނީ ކާގޯ ޓާމިނަލް އިފްތިތާހު ކުރުމަށް ހަމަޖެހިފައިވަނީ 2027 ވަނަ އަހަރަށް ކަމަށާއި މި މަޝްރޫއުގެ އަގަކީ 600 މިލިއަން ޑޮލަރާއި 700 މިލިއަން ޑޮލަރާ ދެމެދުގެ އަދަދެއް ކަމަށެވެ.