ސްޓެޕް އައްޔަގެ ބަންދުގެ މުއްދަތު އިތުރުކޮށްފި
14 ސެޕްޓެމްބަރު 2023 | ބުރާސްފަތި 16:33ބަންދުގެ މުއްދަތު އިތުރުކުރީ 10 ދުވަހަށް
ސިމާހާ ނަސީމް | 14 ސެޕްޓެމްބަރު 2023 | ބުރާސްފަތި 16:33
އަލީ ޝާހިދު (ސްޓެޕް އައްޔަ)
މީހަކު ރަހީނުކޮށް ފޭރުމުގެ މައްސަލައެއްގައި ހައްޔަރުކުރި އަލީ ޝާހިދު (ސްޓެޕް އައްޔަ)ގެ ބަންދުގެ މުއްދަތު އިތުރުކޮށްފިއެވެ.
ފުލުހުން ބުނީ އޭނާގެ ބަންދުގެ މުއްދަތު ބުރާސްފަތި ދުވަހުން ފެށިގެން 10 ދުވަހަށް އިތުރުކޮށްފައި ވާކަމަށެވެ.
ފުލުހުން ބުނީ އިތުރު ބަޔަކާ ބައިވެރިވެގެން މާލޭގެ ގެއެއްގައި ފިރިހެނަކު ހުއްދަނޫން ގޮތުގައި ހިފަހައްޓައި، އަނިޔާކޮށް، އޭނާގެ ބޭންކް އެކައުންޓުން ފައިސާ ޓްރާންސްފަރކުރި މައްސަލައެއް އޮގަސްޓް މަހުގެ 4 ވަނަ ދުވަހު ރިޕޯޓުކޮށްފައި ވާކަމަށެވެ.
ފުލުހުން ސްޓެޕް އައްޔަ ހައްޔަރުކުރީ އޮގަސްޓް މަހުގެ 29 ވަނަ ދުވަހުއެވެ. ހައްޔަރުކުރުމަށްފަހު އޭނާ އޮގަސްޓް 30 ވަނަ ދުވަހު ކްރިމިނަލް ކޯޓަށް ހާޒިރުކުރުމުން ކޯޓުން ވަނީ އޭރު 15 ދުވަހުގެ މުއްދަތެއް ޖަހާފައެވެ.
