ހުޅުމާލެ ފޭސް 2 ގެ އިރުއުތުރު ފަރާތުން މަސް ހިފަން މޫދަށް ފޭބި ސްރީލަންކާ ރައްޔިތަކު ނިޔާވެފައި އޮއްވާ ފެނިއްޖެއެވެ.
މިކަމާއި ގުޅިގެން ފުލުހުން ބުނީ ހުޅުމާލެ ފޭސް 2 ގެ އިރުއުތުރު ފަރާތުން މަސް ހިފަން މޫދަށް ފޭބި މީހަކު ގެއްލިގެން ހޯދަމުންދާކަމުގެ މައުލޫމާތު ފުލުހުންނަށް ހޯމަ ދުވަހުގެ ހެނދުނު ރިޕޯޓް ކޮށްފައިވާކަމަށެވެ. އަދި އޭނާ ހޯދަމުންދަނިކޮށް ހުޅުމާލެ ފޭސް 2 އިރުއުތުރު ފަރާތު ފަޅުތެރެއިން ފެނިފައިވާކަމަށެވެ.
ހުޅުމާލެ ހޮސްޕިޓަލަށް އެމީހާ ގެންދިޔައިރުވެސް ނިޔާވެފައިވާކަމަށް ހޮސްޕިޓަލުން ފުލުހުންނަށް މައުލޫމާތު ދީފައިވާކަމަށް ފުލުހުން ބުނެއެވެ.
ނިޔާވެފައިވަނީ އުމުރުން 55 އަހަރުގެ ސްރީލަންކާގެ ރައްޔިތެކެވެ.
މިހާދިސާ އާ ގުޅިގެން ބަލަންޖެހޭ ކަންކަން ފުލުހުން އަންނަނީ ބަލަމުންނެވެ.
