ޖީ20 ސަމިޓުގައި ހުރިހާ ފަރާތްތަކަކާ އެކު މަސައްކަތް ކުރަން ތައްޔާރު - ޗައިނާ
ޔޫކްރޭނާ ގުޅޭ ގޮތުން ޗައިނާގެ ނަޒަރިއްޔާތު ސާފު
ޖީ20 ސަމިޓަށް އިންޑިއާ ތައްޔާރުވެފައި
އިންޑިއާގެ ނިއުދިއްލީގައި ބާއްވާ ޖީ20 ސަމިޓުގައި ހުރިހާ ފަރާތްތަކާ ގުޅިގެން މަސައްކަތްކޮށް ހެޔޮ ނަތީޖާއަކަށް ބާރުއެޅުމަށް ޗައިނާއިން ތައްޔާރަށް އޮތް ކަމަށް ޗައިނާގެ ފޮރިން މިނިސްޓްރީން ބުނެފިއެވެ.
ޗައިނާގެ ފޮރިން މިނިސްޓްރީގެ ތަރުޖަމާނު މައޯ ނިންގް މިހެން ވިދާޅުވީ ޔޫކްރޭން ހިމެނޭ ގޮތަށް އެކި ކަންކަމުގައި އެއްބަސްވުން ލަސްކުރި ކަމަށް އިނގިރޭސި ބޮޑުވަޒީރު ރިޝީ ސުނަކް ތުހުމަތު ކުރައްވާ ކަމަށް މީޑިއާ ރިޕޯޓެއްގައި ބުނެފައި ވަނިކޮށެވެ.
ޔޫކްރޭނާ ގުޅޭ ގޮތުން ޗައިނާގެ ނަޒަރިއްޔާތު ސާފު އަދި އެއްގޮތަކަށް ވެސް އޮތް ކަމަށް މައޯ ވަނީ ނޫސްވެރިންގެ ބައްދަލުވުމުގައި އިތުރަށް ތަފްސީލުނުކޮށް ވިދާޅުވެފައެވެ.
މި ޖަލްސާގައި ޗައިނާގެ ރައީސް ޝީ ޖިންޕިން ބައިވެރިނުވެ، އޭގެ ބަދަލުގައި ވަކާލާތު ކުރައްވާނީ ބޮޑުވަޒީރު ލީ ކިއަންގްއެވެ. ދެ ދުވަހުގެ މުއްދަތަށް ކުރިއަށްދާ ޖީ20 ސަމިޓް އޮންނާނީ ސެޕްޓެމްބަރު މަހުގެ ނުވަ ވަނަ ދުވަހުން ފެށިގެން ނިއުދިއްލީގައެވެ.
