ރައީސް ފ. ނިލަންދޫއަށް ވަޑައިގަތުމުން ހޫނު މަރުހަބާއެއް
ވަރަށް ގިނަ އަދަދެއްގެ އާންމުން ވަނީ ބަނދަރު ސަރަހައްދަށް އެއްވެ، ޖޯޝާއި ފޯރީގައި މަރުހަބާ ކިޔާފައި
ރައީސް ސާލިހު ފ. ނިލަންދޫއަށް ވަޑައިގަތުން
ރައީސުލްޖުމްހޫރިއްޔާ އިބްރާހީމް މުހައްމަދު ސާލިހު ފ. ނިލަންދޫއަށް ވަޑައިގަތުމުން އެ ރަށުން އެމަނިކުފާނަށް ހޫނު މަރުހަބާއެއް ދަންނަވައިފިއެވެ.
ހުކުރު ދުވަހުގެ ހެނދުނު އެމަނިކުފާނު އެރަށަށް ވަޑައިގަތުމުން ވަރަށް ގިނަ އަދަދެއްގެ އާންމުން ވަނީ ބަނދަރު ސަރަހައްދަށް އެއްވެ، ޖޯޝާއި ފޯރީގައި މަރުހަބާ ކިޔާފައެވެ.
ރާއްޖެއެމްވީއާ ވާހަކަ ދައްކަމުން އެ ރަށުގެ ބައެއް ރައްޔިތުން ބުނީ ރައީސް ސާލިހަކީ ރާއްޖެއަށް ތަރައްޤީ ގެނެސްދެއްވި ހިކުމަތްތެރި ވެރިއެއް ކަމަށެވެ. އަދި ރައީސް ސާލިހަށް އެއްބުރުން އިންތިޚާބު ކާމިޔާބު ކޮށްދެއްވުމަށް މަސައްކަތް ކުރާނެ ކަމަށް ވެސް އެ ރައީސަށް މަރުހަބާ ކިޔަން އެއްވި ބައެއް މީހުން ވަނީ ބުނެފައެވެ.
ރައީސް ފ. އަތޮޅަށް ކުރައްވާ މި ދަތުރުފުޅުގައި ދެން ވަޑައިގަންނަވާނީ ފ. ބިލެތްދޫއަށެވެ.
