ކަވާނީ އާއި ސުއަރޭޒް އުރުގުއޭ ޓީމުން ބާކީކޮށްފި
5 ސެޕްޓެމްބަރު 2023 | އަންގާރަ 04:52ޗިލީ އާއި އުރުގުއޭއާ ދެކޮޅަށް މި ހަފުތާގައި މެޗުތައް ކުޅޭނެ
ސުއަރޭޒް އާއި ކަވާނީ: އުރުގުއޭ ޓީމުން ވަނީ ބާކީކޮށްފައި
ވޯލްޑްކަޕް ކޮލިފައިން އަށް ތައްޔާރުވާ އުރުގުއޭގެ ގައުމީ ޓީމުން ތަޖުރިބާކާރު އަދި ދުވަސްވީ ދެ ފޯވަޑުން ކަމަށްވާ އެޑިންސަން ކަވާނީ އާއި ލުއިސް ސުއަރޭޒް ބާކީކޮށްފި އެވެ.
ކޯޗު މާސެލޯ ބިއެލްސާ މި ގޮތަށް ނިންމީ މިދިޔަ މޭ މަހު ގައުމީ ޓީމާ ހަވާލުވުމަށްފަހު ކުޅުންތެރިން މޮނިޓަކުރުމަށްފަހު އެވެ. ކަވާނީ އާއި ސުއަރޭޒް ބާކީކުރި ނަމަވެސް 30 އަހަރުގެ ކީޕަރު ސާޖިއޯ ރޮޗެޓް ވަނީ ޓީމުގައި ހިމަނާފަ އެވެ. އޭނާ އަކީ ޗިލީ އާއި އިކުއެޑޯއާ ދެކޮޅަށް ކުޅެން އެކުލަވާލި ޓީމުން ޖާގަދިން އެންމެ ދުވަސްވީ ކުޅުންތެރިޔާ އެވެ.
ކަވާނީ އާއި ސުއަރޭޒްގެ އުމުރަކީ 36 އެވެ. މި ދެ ކުޅުންތެރިން ވެސް މިހާރު ކުޅެމުންދަނީ ދެކުނު އެމެރިކާގެ ލީގުތަކުގަ އެވެ. ސުއަރޭޒް ކުޅެމުންދަނީ ބްރެޒިލްގެ ގެރެމިއޯއަށެވެ. ކަވާނީ ކުޅެނީ އާޖެންޓީނާގެ ބޮކާ ޖޫނިއާސް އަށެވެ.
ބިއެލްސާ އެކުލަވާލި ޓީމުގައި މޭޖަ ލީގުގައި ކުޅެމުން އަންނަ ފުކުއާންޑޯ ޓޮރޭޒް އާއި ކްރިސްޓިއަން އޮލިވޭރާ ހިމަނާފައިވެ އެވެ.
ޓީމުގައި ހިމެނޭ ފާހަގަކޮށްލެވޭ ކުޅުންތެރިންނަކީ ލިވަޕޫލްގެ ފޯވަޑް ޑްރަވިން ނޫނޭޒް ހިމެނެ އެވެ.
