ރާއްޖޭގެ ބޮޑު ސަރަހައްދަކަށް ވައިޓް އެލާޓް ނެރެފި
ވައިޓް އެލާޓް ނެރިފައިވަނީ ހއ.އަތޮޅުން ފެށިގެން ތ.އަތޮޅަށް
އަމްނާ އިމާދު | 3 ސެޕްޓެމްބަރު 2023 | އާދީއްތަ 10:06
ރާއްޖޭގެ އުތުރުގެ ކަނޑުތައް ގަދަވާނެކަމަށް ލަފާކޮށްފައިވޭ
ރާއްޖޭގެ ބޮޑު ސަރަހައްދަކަށް ވައިޓް އެލާޓް ނެރެފިއެވެ.
ވައިޓް އެލާޓް ނެރިފައިވަނީ ހއ.އަތޮޅުން ފެށިގެން ތ.އަތޮޅަށް އާދިއްތަ ދުވަހުގެ މެންދުރު 12:30ން އިރުއޮއްސި 6:30 ށެވެ.
މޫސުމާބެހޭ ގައުމީ އިދާރާއިން ބުނީ ގަޑިއަކު 19 މޭލާއި 24 މޭލާއި ދެމެދުގެ ބާރުމިނުގައި ވައި ޖެހޭނެ ކަމަށާއި، ވިލާގަނޑުގައި ގަޑިއަކު 40 މޭލަށް ވައި ގަދަވާނެ ކަމަށެވެ. އަދި ކަނޑުތައް ގަދަވާނެ ކަމަށް ލަފާ ކުރެވޭ ކަމަށް މޫސުމާބެހޭ ގައުމީ އިދާރާއިން ބުނެއެވެ.
މޫސުމާބެހޭ ގައުމީ އިދާރާއިން ބުނީ ކުރިއަށް އޮތް 24 ގަޑިއިރު ރާއްޖޭގެ މޫސުން ގޯސްވާނެ ކަމަށާއި، ކަނޑުދަތުރުކުރާ ފަރާތްތަކުން މޫސުމަށް ސަމާލުވާން ޖެހޭ ކަމަށެވެ.
