ނ ކުޑަފަރީ އަދި ފޮއްދޫގައި ޞިއްޙީ މަރުކަޒުގެ އައު އިމާރާތުގެ މަސައްކަތްކުރުމަށް ބަޔަކާ ހަވާލުކޮށްފި
ދެ ރަށުގައި ސިއްހީ މަރުކަޒު އެޅުމަށް ހަވާލުކޮށްފައިވަނީ އިވޮރސަން މޯލްޑިވްސް ޕްރައިވެޓް ލިމިޓެޑާ
ނ ކުޑަފަރީގައި ސިއްހީ މަރުކަޒުގެ އައު އިމާރާތް އެޅުމުގެ އެއްބަސްވުމުގައި ސޮއިކުރުމުގެ ރަސްމިއްޔާތުގެ ތެރެއިން
ނ. ކުޑަފަރީ އަދި ފޮއްދޫގައި ސިއްޙީ މަރުކަޒުގެ އައު އިމާރާތްކުރުމަށް ބަޔަކާއެކު ހެލްތު މިނިސްޓްރީން އެއްބަސްވުމުގައި ސޮއިކޮށްފިއެވެ.
ނ.ކުޑަފަރީ ޞިއްޙީ މަރުކަޒުގެ އައު އިމާރާތުގެ މަސައްކަތް ކުރުމަށް ހަވާލުކޮށްފައިވަނީ އިވޮރސަން މޯލްޑިވްސް ޕްރައިވެޓް ލިމިޓެޑާއެވެ. މި އެއްބަސްވުމުގެ ދަށުން ކުރުމަށް ހަމަޖެހިފައިވާ މަސައްކަތުގެ ޖުމްލަ އަގަކީ 24,755,904.92ރ (ސައުވީސް މިލިއަން ހަތްލައްކަ ފަންސާސް ފަސްހާސް ނުވަސަތޭކަ ހަތަރު ރުފިޔާ ނުވަދިހަ ދެލާރި) އެވެ. ޞިއްޙީ މަރުކަޒުގެ އައު އިމާރާތް ނިންމަންޖެހެނީ 365 ދުވަހުގެ ތެރޭގައެވެ.
ނ.ފޮއްދޫ ޞިއްޙީ މަރުކަޒުގެ އައު އިމާރާތުގެ މަސައްކަތް ކުރުމަށްވެސް ހަވާލުކޮށްފައިވަނީ އިވޮރސަން މޯލްޑިވްސް ޕްރައިވެޓް ލިމިޓެޑާ އެވެ.
މިއެއްބަސްވުމުގެ ދަށުން ކުރުމަށް ހަމަޖެހިފައިވާ މަސައްކަތުގެ ޖުމްލަ އަގަކީ 24,759,717,32ރ (ސައުވީސް މިލިއަން ހަތްލައްކަ ފަންސާސް ނުވަހާސް ހަތްސަތޭކަ ސަތާރަ ރުފިޔާ ބައްތިރީސް ލާރި) އެވެ. މިމަސައްކަތް ނިންމަންޖެހެނީ 365 ދުވަހުގެ ތެރޭގައެވެ.
ސަރުކާރުން ގެންދަނީ އެކި ރަށްރަށުގެ ސިއްހީ މަރުކަޒު ބޮޑުކޮށް އައު އިމާރާތްތައް އަޅައި ސިއްހީ މަރުކަޒުގެ ފެންވަރު ރަނގަޅުކުރުމުގެ މަސައްކަތްކުރަމުންނެވެ.
