ކްރިކެޓްގެ ހުނަރުގެ ގޮތުން ނޭޕާލަކީ އިންޑިޔާ އާއި ޕާކިސްތާން ފެންވަރުގެ ޓީމެއް: ކެޕްޓަން
ނޭޕާލް މުބާރާތުގައި މިކުޅެނީ މުޅިން އަލަށް
ނޭޕާލްގެ ގައުމީ ކްރިކެޓް ޓީމުގެ ކުޅުންތެރިން
ކްރިކެޓް ކުޅުންތެރިންގެ ހުނަރަށް ބަލާއިރު އިންޑިޔާ އާއި ޕާކިސްތާނުގައި ހުރި ފެންވަރު ނޭޕާލްގައި ވެސް ހުރި ކަމަށް އެ ގައުމުގެ ކެޕްޓަން ރޯހިތް ޕައުޑެލް ކުމާރު ބުނެފި އެވެ.
އޭނާ މިހެން ބުނީ މާދަމާ ޕާކިސްތާނާއި ލަންކާގައި ފަށާ އޭޝިއާ ކަޕުގެ ކުރިން ވާހަކަދައްކަމުންނެވެ. މި މުބާރާތުގައި ފުރަތަމަ ފަހަރަށް ކުޅޭއިރު ނޭޕާލް އޮތީ އިންޑިޔާ އާއި ޕާކިސްތާނާއެކު އޭ ގްރޫޕުގަ އެވެ. ދުނިޔޭގެ ކްރިކެޓްގައި ވެސް ގަދަ ދެ ބާރު ކަމަށްވާ ޕާކިސްތާނާއި އިންޑިޔާއާ ދެކޮޅަށް ބޮޑު މުބާރާތެއްގައި އަކަށް ކުޅޭއިރު ރޯހިތް ބުނީ ނޭޕާލް ބަލާނީ ރަނގަޅު ވާދައެއް ކުރަން ކަމަށެވެ.
ފެންވަރުގެ ގޮތުން ނޭޕާލް ޓީމަކީ އާދައިގެ ޓީމެއް ކަމަށް ގިނަ ބަޔަކު ގަބޫލުކުރެ އެވެ. އެމީހުން މުބާރާތް ކުޅެނީ އޭޝިޔާގައި ކްރިކެޓް ކުރަމުން އަންނަ ގައުމުތަކުގެ ޗެމްޕިއަނުންގެ ގޮތުގަ އެވެ. ނަމަވެސް ރޯހިތް ބުނީ ގަދަ ޓީމުތަކާ ދެކޮޅަށް މި މުބާރާތުގައި ނޭޕާލް ކުޅެން ފުރުސަތު ލިބުން ހައްގު ކަމަށެވެ.
އޭނާ ބުނީ އިމާޖިން ނޭޝަންސް ކަޕުގައި ކުޅެމުން އޭޝިޔާ ކަޕަށް ރަނގަޅަށް ތައްޔާރުވެވުނު ކަމަށެވެ.
