ތަށި ދިފާއު ކުރަން ނުކުންނަ ލަންކާގެ ޕްލަސް ޕޮއިންޓަކީ ބެޓިން

މާދަމާ ފަށާ އޭޝިއާ ކަޕްގެ ތަށި ދިފާއު ކުރަން ނުކުންނައިރު ސްރީލަންކާގެ އެންމެ މުހިންމު ހަތިޔާރަކީ ބެޓިން ކަމަށް ތަޖުރިބާކާރުން ބުނެފި އެވެ.

އެ ގައުމުން ވަނީ ފާއިތުވެދިޔަ އަހަރެއްހާ ދުވަހުގެ ތެރޭގައި 80 އަށްވުރެ ގިނަ މެޗު ކުޅެފަ އެވެ. މިއިން ކޮންމެ މެޗެއްގައި ވެސް އެންމެ ފާހަގަކުރެވުނީ ލަންކާގެ ބެޓިން ރަނގަޅުވުމެވެ.

މި މެޗުގައި ލަންކާ ވަނީ ތިން މެޗެއްގައި 300 ލަނޑު ފަހަނައަޅައި ގޮސްފަ އެވެ. މީގެ ތެރޭގައި ގުވަހިޓީގައި އިންޑިޔާއާ ވާދަކޮށް 373 ލަނޑު ހެދި މެޗު ފާހަގަ ކުރެވެ އެވެ.

ސްރީލަންކާ އަކީ 1996 ވަނަ އަހަރުގެ ދުނިޔޭގެ ޗެމްޕިއަން އެވެ. އަދި އެމީހުންނަކީ އެންމެ ފަހުގެ އޭޝިއާ ކަޕްގެ ވެސް ޗެމްޕިއަނުންނެވެ. އެކަމަކު މި ފަހަރުގެ ވޯލްޑްކަޕަށް ކޮލިފައިވުމުގައި ލަންކާ އަށް ގިނަ މައްސަލަތަކެއް ކުރިމެތިވެ، ކޮލިފައިން ކުޅެން ޖެހުނެވެ.

ލަންކާގެ ކްރިކެޓްގައި އެންމެ ފާހަގަ ކުރެވުނު ކުޅުންތެރިންނަކީ ވެސް މޮޅު ބެޓްސްމަނުންނެވެ. ލަސިތް މަލިންގާ އާއި ނުވާން ކްލަޝާކަރަ އާއި މުއްތިއާ މުރަލީދަރަން އާއި ސަނަތު ޖަޔަސޫރިއާ ފަދަ ކުޅުންތެރިންނެވެ. ގިނަ ބަޔަކު ފާޑުކިޔަނީ މިހާރުގެ ބެޓްސްމަނުން މި ކުޅުންތެރިންހާ މޮޅު ނޫން ކަމަށްބުނެ އެވެ.

ސަބަބަކީ އިންޑިޔާ އާއި ޕާކިސްތާން އަދި ބަނގްލަދޭޝް ފަދަ ބޯލިން ވަރުގަދަ ޓީމުތަކާ ދެކޮޅަށް ލަންކާ އަށް މައްސަލަތަކެއް ދިމާވާނެ ކަމަށްބުނެ އެވެ.